പാട്യാല കോടതിയില്‍ വിദ്യാര്‍ഥികളെയും മാധ്യമപ്രവര്‍ത്തകരെയും കയ്യേറ്റം ചെയ്ത സംഭവത്തില്‍ ബിജെപി എംഎല്‍എ ഒപി ശര്‍മയെ ദില്ലി പൊലീസ് കസ്റ്റഡിയിലെടുത്തു. ശര്‍മ്മയുടെ നേതൃത്വത്തിലുള്ള ബിജെപി അനുകൂലികളാണ് അക്രമം നടത്തിയത്. ശര്‍മ്മ ഒരു വിദ്യാര്‍ത്ഥി നേതാവിനെ മര്‍ദ്ദിക്കുന്നതിന്റെ ദൃശ്യങ്ങളും പുറത്തുവന്നിട്ടുണ്ട്.
രാജ്യദ്രോഹക്കുറ്റം ആരോപിച്ച് അറസ്റ്റ് ചെയ്ത ജെഎന്‍യു വിദ്യാര്‍ഥി യൂണിയന്‍ നേതാവ് കനയ്യ കുമാറിനെ കോടതിയില്‍ ഹാജരാക്കവെയാണ് അഭിഭാഷകരടക്കമുള്ളവര്‍ അക്രമം അഴിച്ചുവിട്ടത്. മര്‍ദ്ദനത്തില്‍ രണ്ട് മാധ്യമപ്രവര്‍ത്തകര്‍ക്കും സിപിഐ നേതാവ് ബിനോയ് വിശ്വത്തിനും പരിക്കേറ്റു.
ജെഎന്‍യുവിനെതിരെയും ഇന്ത്യക്കനുകൂലമായും മുദ്രാവാക്യം മുഴക്കുകയും തുടര്‍ന്ന് ഇവര്‍ വിദ്യാര്‍ഥികള്‍ക്കു നേരെ തിരിയുകയുമായായിരുന്നു. ജെഎന്‍യു സര്‍വകലാശാല ഫാക്കല്‍റ്റി അംഗങ്ങളും കൂട്ടത്തില്‍ ഉണ്ടായിരുന്നു. കോടതി കെട്ടിടത്തില്‍ നിന്ന് എല്ലാവരും പുറത്തുപോവണമെന്ന് ഇവര്‍ ആക്രോശിച്ചു. കനയ്യയ്ക്ക് വേണ്ടി ഹാജരാകാന്‍ അഭിഭാഷകരെ അനുവദിക്കില്ലെന്നും പ്രതിഷേധക്കാര്‍ പറഞ്ഞു.
സംഭവസമയം പൊലീസ് നോക്കുകുത്തികളായി നില്‍ക്കുകയായിരുന്നുവെന്നും ആക്ഷേപമുണ്ട്.
കസ്റ്റഡി കാലാവധി തീര്‍ന്നതിനെ തുടര്‍ന്നാണ് കനയ്യ കുമാറിനെ ദില്ലി പാട്യാല ഹൗസ് കോടതിയില്‍ ഹാജരാക്കിയത്. ബിജെപി അനുകൂലികളായ അഭിഭാഷകര്‍ സംഘടിച്ചത്തെി അധ്യാപകരെയും മാധ്യമപ്രവര്‍ത്തകരെയും മര്‍ദ്ദിച്ചക്കുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha