മഴയ്ക്ക് പിന്നാലെ ജമ്മു കശ്മീരില്‍ കനത്ത മണ്ണിടിച്ചില്‍... മൂന്നു മരണം... നിരവധി വീടുകളും വാഹനങ്ങളും മണ്ണിടിച്ചിലില്‍ തകര്‍ന്നു
ജമ്മു കശ്മീര്‍ ശ്രീനഗര്‍ ദേശീയ പാതയില്‍ റമ്പാന്‍ ജില്ലയിലാണ് മണ്ണിടിച്ചിലുണ്ടായത്. സ്ഥലത്ത് രക്ഷാപ്രവര്‍ത്തനം പുരോഗമിക്കുന്നു. റമ്പാന്‍ ജില്ലയില്‍ ജമ്മു ശ്രീനഗര്‍ ദേശീയപാത താല്‍ക്കാലികമായി അടച്ചു. നിരവധി ഇടങ്ങളില്‍ മണ്ണിടിച്ചില്‍ ഉണ്ടായതായാണ് റിപ്പോര്‍ട്ടുകളുള്ളത്.
മേഖലയില്‍ കനത്ത മഴ മൂലം വിവിധ ഇടങ്ങളില്‍ മിന്നല്‍ പ്രളയം അനുഭവപ്പെടുകയുണ്ടായി..
ദേശീയ പാതയില്‍ പാറകളും ചെളിയും അവശിഷ്ടങ്ങളും വന്ന് മൂടിയ നിലയിലാണുള്ളത്. ഇതിനാല്‍ തന്നെ നിരവധി വാഹനങ്ങളാണ് ദേശീയ പാതയില്‍ തന്നെ കുടുങ്ങി കിടക്കുകയാണ്.
പാറകള്‍ വീണ് വാഹനങ്ങളുടെ മുകള്‍ ഭാഗം തകര്‍ന്ന് ചെളിയില്‍ പുതഞ്ഞ നിലയിലാണ് മിക്ക വാഹനങ്ങളുമുള്ളത്. അവശിഷ്ടങ്ങള്‍ നീക്കി ഗതാഗതം പുനസ്ഥാപിക്കാനുള്ള ശ്രമത്തിലാണ് അധികൃതര്‍.
മറ്റ് അറിയിപ്പുകള്‍ ലഭിക്കുന്നത് വരെ മേഖലയിലേക്കുള്ള യാത്രകള്‍ താല്‍ക്കാലികമായി നിര്‍ത്തി വയ്ക്കണമെന്നാണ് അധികൃതരുടെ ആവശ്യം.
ചിനാബ് നദിക്കരയിലുള്ള ധരംകുണ്ട് ഗ്രാമത്തില്‍ വലിയ രീതിയിലുള്ള നാശ നഷ്ടങ്ങളാണ് സംഭവിച്ചിട്ടുള്ളത്.
https://www.facebook.com/Malayalivartha
