മധ്യപ്രദേശിലെ ബേദുല്‍ ജില്ലയിലെ ഗവ. പ്രൈമറി സ്‌കൂളിലെ രണ്ട്‌ അധ്യാപകരുടെ മൃഗീയ മര്‍ദ്ദനമേറ്റ്‌ പത്തുവയസുകാരന്‍ മരിച്ചു. നവംബര്‍ 16-നാണ്‌ നാലാം ക്ലാസുകാരനായ അസ്ലാം അന്‍സാരിയെ ബ്രിജുകുമാര്‍ സോണാരിയ, വിജയ്‌റാം ഭഗത്‌ എന്നീ രണ്ട്‌ അധ്യാപകര്‍ ചേര്‍ന്ന്‌ മര്‍ദ്ദിച്ചത്‌. സ്‌കൂളിലെ ബക്കറ്റ്‌ ആരോ പൊട്ടിക്കുന്നത്‌ അസ്ലാം കണ്ടിരുന്നു. അത്‌ തടയാത്തതിനുള്ള പ്രതിഷേധമായാണ്‌ അധ്യാപകര്‍ കുട്ടിയെ തല്ലിയത്‌. കഴുത്തിലും മുതുകിലും പരിക്കേറ്റിരുന്നു.  പരാതി അനേഷിച്ചു ചെന്ന രക്ഷിതാക്കള്‍ക്ക്‌ ആശുപത്രിയില്‍ കൊണ്ട്‌ പോകാനായി 200 രൂപ നല്‍കി സംഗതി ഒതുക്കി. അങ്ങനെ അസ്ലാമിനെ ഗവ. ആശുപത്രിയിലാക്കി. ഗുരുതരാവസ്ഥയിലായ അസ്ലാമിനെ നാഗ്‌പൂരിലെ ആശുപത്രിയിലും തുടര്‍ന്ന്‌ ഭോപ്പാലിലെ ഹമീദിയ ആശുപത്രിയിലുമെത്തിച്ചിച്ചിരുന്നു.
ബ്രിജുകുമാറിനെ പോലീസ്‌ അറസ്റ്റു ചെയ്‌തെങ്കിലും വിജയ്‌റാം ഒളിവിലാണ്‌.