പ്രധാനമന്ത്രി നരേന്ദ്ര മോദിയെ രൂക്ഷമായി വിമര്‍ശിച്ച് മഹാരാഷ്ട്ര നവനിര്‍മാണ സേന നേതാവ് രാജ് താക്കറെ
പ്രധാനമന്ത്രി ജനങ്ങളുടെ വിശ്വാസം തകര്‍ക്കുകയാണെന്ന്, അച്ഛാ ദിന്‍ എന്ന് പറഞ്ഞ് ജനങ്ങളെ വഞ്ചിക്കുകയാണ് . ഇത്രമാത്രം വിദേശ സന്ദര്‍ശനം നടത്തിയിട്ടുള്ള മറ്റൊരു പ്രധാനമന്ത്രി ആരാണ്. നല്ല ദിനങ്ങള്‍ വരുമെന്ന് പറഞ്ഞിട്ട് അവയെവിടെ ശിവജി പാര്‍ക്കില്‍ പാര്‍ട്ടി പരിപാടിയില്‍ സംസാരിക്കവേ താക്കറെ ചോദിച്ചു.
കള്ളപ്പണം തിരികെക്കൊണ്ടു വരുമെന്നാണ് നിങ്ങള്‍ പറഞ്ഞിരുന്നത്. അതെവിടെ? കോടികള്‍ വായ്പയെടുത്ത് വിജയ് മല്യ രാജ്യംവിട്ടു. ബിജെപിക്ക് വോട്ടുചെയ്ത് അധികാരത്തില്‍ കയറ്റിയതാണ് ഏറ്റവും വലിയ അബദ്ധമെന്നാണ് എല്ലാവരും ഇപ്പോള്‍ പറയുന്നത്. നേരത്തെ രാജ്യത്തെ രക്ഷിക്കുന്നതിനുള്ള അവസാന പ്രതീക്ഷ നരേന്ദ്ര മോദിയാണെന്ന് ഞാന്‍ പറഞ്ഞിരുന്നു. എന്നാല്‍! നിലവിലെ സ്ഥിതി കണാമ്പോള്‍.. അദ്ദേഹം എന്റെ വിശ്വാസം തകര്‍ത്തു. മോദിക്കെതിരെ സംസാരിക്കാന്‍ ഞാന്‍ ആരംഭിച്ചു. അധികാരത്തിലെത്തി 100 ദിവസങ്ങള്‍ക്കുള്ളില്‍ അത്ഭുതം സൃഷ്ടിക്കുമെന്നാണ് പറഞ്ഞിരുന്നത്. എവിടെ അവയെല്ലാം?
ദേശീയ പോലുള്ള വിഷയങ്ങളില്‍ ആര്‍എസ്എസിന്റെ സഹായമാണ് നിങ്ങള്‍ തേടുന്നത്. ദേശീയതയ്ക്കുള്ള സര്‍ട്ടിഫിക്കറ്റുകള്‍ ആര്‍എസ്എസ് വിതരണം ചെയ്യുമോ. രാമക്ഷേത്രം സംബന്ധിച്ച വിഷയങ്ങള്‍ കോടതിക്കു മുന്നിലാണിപ്പോള്‍. അമിത് ഷായ്ക്ക് കോടതി ക്ലീന്‍ ചിറ്റ് കൊടുത്തു. പക്ഷേ എന്തുകൊണ്ടാണ് രാമക്ഷേത്രത്തിന്റെ കാര്യത്തില്‍ തീരുമാനമെടുക്കാത്തത് രാജ് താക്കറെ ചോദിക്കുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha