തമിഴ്‌നാട്ടില്‍ മദ്യനിരോധനം നടപ്പാക്കുമെന്ന് മുഖ്യമന്ത്രി ജയലളിത. ഘട്ടം ഘട്ടമായാകും മദ്യം നിരോധിക്കുകയെന്നും അവര്‍ വ്യക്തമാക്കി. ചെന്നൈയില്‍ തിരഞ്ഞെടുപ്പ് പ്രചാരണത്തിന് തുടക്കം കുറിച്ച് സംസാരിക്കുകയായിരുന്നു ജയലളിത.

മദ്യം നിരോധിക്കണമെന്ന മുന്‍മുഖ്യമന്ത്രിയും ഡിഎംകെ നേതാവുമായ കരുണാനിധിയുടെ നിലപാടിനെ ജയലളിത വിമര്‍ശിക്കുകയും ചെയ്തു. മദ്യം തമിഴ്‌നാട്ടില്‍ കൊണ്ടുവന്നയാളാണ് ഇപ്പോള്‍ അത് നിരോധിക്കുമെന്ന് പറയുന്നത്. കരുണാനിധിയുടെ ഭരണകാലത്താണ് മദ്യത്തിന്റെ ഉപയോഗം സംസ്ഥാനത്ത് കുത്തനെ കൂടിയത്. ഇപ്പോള്‍ അദ്ദേഹത്തിന് മദ്യം നിരോധിക്കുകയാണ് വേണ്ടത് ജയലളിത പറഞ്ഞു.

കഴിഞ്ഞ അഞ്ചു വര്‍ഷത്തെ എഐഡിഎംകെ ഭരണത്തില്‍ വലിയ കുതിപ്പാണ് തമിഴ്‌നാട് നടത്തിയത്. ജനങ്ങള്‍ക്ക് വേണ്ടിയാണ് തന്റെ ജീവിതമെന്നും ജയലളിത പറഞ്ഞു. ചെന്നൈയിലെ ആര്‍.കെ. നഗര്‍ നിയോജകമണ്ഡലത്തില്‍ നിന്നാണ് ജയലളിത വീണ്ടും ജനവിധി തേടുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha