രാജസ്ഥാനിലെ ബാര്‍മര്‍ ജില്ലയില്‍ നിന്നുള്ള ബി.ജെ.പി എം.പിയെ വിവാഹചടങ്ങിനിടയില്‍ ഒരു യുവാവ് തല്ലി. ഇന്നലെയാണ് സംഭവം നടന്നത്. എം.പി സൊനാരമ്മും പ്രതി കര്‍ത്താരാമും തമ്മില്‍ വാക്കുതര്‍ക്കമുണ്ടായി തുടര്‍ന്ന് ദേഷ്യം നിയന്ത്രിക്കാനാകാതെ കര്‍ത്താരാം ജില്ലാ കളക്ടറുടെയും മറ്റുള്ളവരുടെയും മുന്നില്‍ വച്ച് എം.പിയെ തല്ലുകയായിരുന്നു എന്ന് എസ്.പി പാരിസ് ദേശ്മുഖ് പറഞ്ഞു.
സംഭവത്തിനു ശേഷം സ്ഥലത്തുനിന്നും പ്രതി രക്ഷപ്പെട്ടിരുന്നു. എന്നാല്‍ കര്‍ത്താരാമിനേയും കൂടെയുണ്ടായിരുന്ന ഒരു പ്രേമാരാം ഭാദുവിനെയും പൊലീസ് പിന്നീട് പിടികൂടി. എം.പിയെ തല്ലാന്‍ കാരണമെന്തെന്ന് അറിയാന്‍ പ്രതികളെ ചോദ്യം ചെയ്തു വരികയാണ്.

വിവാഹ ചടങ്ങു നടക്കുന്നിടത്ത് എം.പിക്കൊപ്പം പോയിരുന്നെങ്കിലും സംഭവം നടക്കുമ്പോള്‍ തങ്ങള്‍ അകലത്തിലായിരുന്നു എന്ന് ബാര്‍മര്‍ ജില്ലാ കളക്ടര്‍ സുധീര്‍ ശര്‍മ്മ പറഞ്ഞു. ഒരാള്‍ എം.പിയെ തള്ളിയതായി താന്‍ കണ്ടുവെന്നും അതാണ് പ്രശ്‌നങ്ങള്‍ക്ക് കാരണമായതെന്നുമാണ് അദ്ദേഹം പറഞ്ഞത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha