തീര്‍ത്തിട്ടും തീരാത്ത കുരുക്കായി മാറുകയാണ്‌ കൊച്ചി മെട്രോ. കൊച്ചി മെട്രോ പദ്ധതിയുടെ തീരുമാനങ്ങളെടുക്കാനുള്ള പൂര്‍ണ അധികാരം ഡല്‍ഹി മെട്രോ ഇ. ശ്രീധരന്‌ നല്‍കിയിട്ടില്ലെന്ന്‌ കേന്ദ്ര നഗരവികസന സെക്രട്ടറി സുധീര്‍കൃഷ്‌ണ. നഗരവികസന മന്ത്രാലയമോ ഡിഎംആര്‍സി ബോര്‍ഡോ ഇങ്ങനെയൊരു തീരുമാനമെടുത്തിട്ടില്ല. കൊച്ചി മെട്രോയുടെ പദ്ധതിയില്‍ ഒരുപാട്‌ മാറ്റങ്ങളുണ്ടാവുമെന്നും സെക്രട്ടറി പറഞ്ഞു.  എ.കെ. ആന്റണിയുടെ നേതൃത്വത്തില്‍ മുമ്പ്‌ നടന്ന ചര്‍ച്ചയോടെ എല്ലാം തീരുമാനമാകുമെന്നാണ്‌ കരുതിയതാണ്‌. എന്നാല്‍ പുതിയ പുതിയ വാര്‍ത്തകള്‍ കൊച്ചിയുടെ പ്രതീക്ഷകള്‍ക്ക്‌ മങ്ങലേല്‍പ്പിച്ചിരിക്കുകയാണ്‌.