പൊതുമേഖലാ എണ്ണ വിതരണകമ്പനികൾ വാണിജ്യ സിലിണ്ടറിന് വീണ്ടും വില വർദ്ധിപ്പിച്ചു. സിലിണ്ടറിന് പന്ത്രണ്ട് രൂപ അൻപത് പൈസയാണ് വർധിപ്പിച്ചത്.

കൊച്ചിയിൽ സിലിണ്ടർ വില 2840 രൂപയാണ്. കോഴിക്കോട് 2870 രൂപയും തിരുവന്തപുരത്ത് 2860 രൂപയുമാണ് വില. കഴിഞ്ഞ മാസവും 65 രൂപ വർദ്ധിപ്പിച്ചിരുന്നു. രാജ്യാന്തര ക്രൂഡോയിൽ വില പരിഗണിച്ച് ഓരോ മാസവും ഒന്നാംതീയതിയാണ് എണ്ണക്കമ്പനികൾ എൽപിജി വില പരിഷ്‌കരിക്കുന്നത്.

വാണിജ്യ സിലിണ്ടർ വില വർദ്ധന ഹോട്ടൽ, റസ്റ്ററന്റ്, തട്ടുകട എന്നിവ നടത്തുന്നവർക്ക് തിരിച്ചടിയാണ്. അതേസമയം, വീട്ടാവശ്യത്തിനുള്ള സിലിണ്ടറിന്റെ വിലയിൽ മാറ്റമില്ല.