മുണ്ടക്കയം ചോറ്റിയിൽ വാഹനങ്ങൾ കൂട്ടിയിടിച്ച് അപകടമുണ്ടായി. ചോറ്റി ജംഗ്ഷനിൽ രാവിലെ 8.15 ഓടെയായിരുന്നു അപകടം സംഭവിച്ചത്. അഞ്ചു കാറുകളും, ഒരു ഓട്ടോറിക്ഷയും, ഒരു സ്കൂട്ടറുമാണ് അപകടത്തിൽപെട്ടത്. രണ്ട് വഴിയാത്രക്കാർക്കും പരിക്കേൽക്കുകയും ചെയ്തു.
പരുക്കേറ്റവരിൽ എട്ടുപേരെ സമീപത്തെ സ്വകാര്യ ആശുപത്രിയിലും രണ്ടു പേരെ കാഞ്ഞിരപ്പള്ളി ജനറൽ ആശുപത്രിയിലും പ്രവേശിപ്പിച്ചിരിക്കുകയാണ്. ഇവരിൽ മൂന്ന് പേരുടെ നില ഗുരുതരമാണന്നാണ് ലഭിക്കുന്ന സൂചനകളുള്ളത്.

മുണ്ടക്കയം ഭാഗത്ത് നിന്നെത്തിയ ബലേനോ കാർ ആദ്യം ഓട്ടോറിക്ഷയിൽ ഇടിക്കുകയും, തുടർന്ന് കൂട്ടയിടി നടക്കുകയുമായിരുന്നു എന്നുമാണ് ദൃക്‌സാക്ഷികളുടെ പറച്ചിൽ.