മഹാരാഷ്ട്ര ഉപമുഖ്യമന്ത്രിയായി അജിത്പവാര് സ്ഥാനമേറ്റു
മുംബൈ : മഹാരാഷ്ട്ര ഉപമുഖ്യമന്ത്രിയായി അജിത് പവാര് സത്യപ്രതിജ്ഞ ചെയ്ത് അധികാരമേറ്റു. രാവിലെ 9.30ന് രാജ്ഭവനില് ഗവര്ണര് കെ.ശങ്കരനാരായണന് മുമ്പാകെയായിരുന്നു സത്യപ്രതിജ്ഞാചടങ്ങ് . അഴിമതി ആരോപണത്തെത്തുടര്ന്ന് രാജിവച്ച അജിത് പവാര് രണ്ടരമാസത്തിന് ശേഷമാണ് അധികാരത്തില് തിരിച്ചെത്തുന്നത്.
മുന് ജലവിഭവ-ജലസേചന വകുപ്പ് മന്ത്രിയായിരിക്കെ 20000 കോടിരൂപയുടെ അഴിമതി നടത്തിയെന്ന ആരോപണത്തെത്തുടര്ന്ന് സെപ്തംബര് 25നാണ് അജിത്പവാര് രാജിവച്ചത്. അജിത്തിനെ തിരിച്ച് വരവിനെക്കുറിച്ച് ഇന്നലെ രാത്രിയാണ് പ്രഖ്യാപനമുണ്ടായത്. ജലസേചന പദ്ധതികള് സംബന്ധിച്ച് സര്ക്കാര് കഴിഞ്ഞാഴ്ച പുറപ്പെടുവിച്ച ധവളപത്രത്തില് അജിത്തിനെ സംബന്ധിച്ച് പരാമര്ശമുണ്ടായില്ല. അപ്പോള് തന്നെ തിരിച്ച് വരവിനെക്കുറിച്ച് അഭ്യൂഹങ്ങളുയര്ന്നെങ്കിലും തിരിച്ച് വരവ് പെട്ടെന്നായിരുന്നു.
https://www.facebook.com/Malayalivartha
