തല്‍ക്കാലം വേണ്ട. സച്ചിന്റെ മകന്‍ അര്‍ജുന്‍ ടെണ്ടുല്‍ക്കറിന് വേണ്ടി ഓട്ടോറിക്ഷാ െ്രെഡവറുടെ മകനായ പ്രണവ ധന്‍വാഡെയെ ഒഴിവാക്കിയെന്നതിനെ ചുല്ലിുള്ള വിവാദം കൊഴുക്കുകയാണ്.
സച്ചിന്‍ തെന്‍ഡുല്‍ക്കറുടെ മകന്‍ അര്‍ജുന്‍ തെന്‍ഡുല്‍ക്കര്‍ അണ്ടര്‍16 മേഖലാ ടൂര്‍ണമെന്റിനുള്ള വെസ്റ്റ് സോണ്‍ ടീമില്‍ ഇടംനേടിയതാണ് വിവാദമായത്. ഒരു ഇന്നിങ്‌സില്‍ പുറത്താകാതെ 1009 റണ്‍ നേടി റെക്കോര്‍ഡിട്ട മുംബൈയിലെ ഓട്ടോറിക്ഷാ െ്രെഡവറിന്റെ മകനായ പ്രണവ് ധന്‍വാഡെയെ തഴഞ്ഞാണ് അര്‍ജുനെ ടീമില്‍ ഉള്‍പ്പെടുത്തിയത്. കളിമികവിനേക്കാള്‍ പണത്തിനും പ്രശസ്തിക്കും താല്‍പ്പര്യം നല്‍കുന്നിടമാണ് ക്രിക്കറ്റ് ലോകം. അതുകൊണ്ട് തന്നെ ഓട്ടോറിക്ഷാ െ്രെഡവറിന്റെ മകനായതുകൊണ്ടാണ് പ്രണവ് തഴയപ്പെട്ടതെന്നും അര്‍ജുന്‍ ടീമില്‍ ഇടം കണ്ടെത്തിയത് സച്ചിന്റെ മകനെന്ന 'യോഗ്യത'യുടെ പേരിലാണെന്നുമാണ് സാമൂഹിക മാദ്ധ്യമങ്ങളില്‍ പ്രചരിക്കുന്ന പ്രധാന വിമര്‍ശനം.
ക്രിക്കറ്റ് ചരിത്രത്തില്‍ ആദ്യമായി ഒരു ഇന്നിങ്‌സില്‍ ആയിരം റണ്‍സ് അടിച്ചെടുത്താണ് മുംബൈയില്‍ സ്‌കൂള്‍ വിദ്യാര്‍ത്ഥിയായ പ്രണവ് ലോകശ്രദ്ധയിലെത്തിയത്. മുംബൈ ക്രിക്കറ്റ് അസോസിയേഷന്റെ അണ്ടര്‍16 ഇന്റര്‍ സ്‌കൂള്‍ ടൂര്‍ണമെന്റിലാണ്, പ്രണവ് ധനവാഡെ (15) പുറത്താകാതെ 1009 റണ്‍സ് നേടി ചരിത്രം കുറിച്ചത്. 323 പന്തില്‍ 395 മിനിറ്റിലായിരുന്നു പ്രണവിന്റെ അവിശ്വസനീയ പ്രകടനം. 129 ഫോറും 59 സിക്‌സും. സ്‌െ്രെടക്ക് റേറ്റ്312.38. ക്രിക്കറ്റിന്റെ ഏതു ഫോര്‍മാറ്റിലും ഒരു ഇന്നിങ്‌സിലെ ഏറ്റവും ഉയര്‍ന്ന വ്യക്തിഗത സ്‌കോറാണിത്. 1899ല്‍ ഇംഗ്ലണ്ടിലെ ഒരു ക്ലബ് മല്‍സരത്തില്‍ ആര്‍തര്‍ കോളിന്‍സ് കുറിച്ച 628 റണ്‍സിന്റെ 117 വര്‍ഷം പഴക്കമുള്ള റെക്കോര്‍ഡാണു പ്രണവ് മറികടന്നത്.
അതേസമയം, ഓള്‍റൗണ്ടറെന്ന പേരില്‍ കായികരംഗത്ത് ശ്രദ്ധ നേടിയ താരമാണ് അര്‍ജുന്‍ തെന്‍ഡുല്‍ക്കര്‍ ബാറ്റുകൊണ്ടും ബോളുകൊണ്ടും അര്‍ജുന്‍ നടത്തിയ പ്രകടനങ്ങള്‍ പലകുറി ദേശീയ ശ്രദ്ധനേടിയിരുന്നു. ഇതിന് പുറമെ, പ്രണവിന്റെ റെക്കോര്‍ഡ് നേട്ടം 10 വയസില്‍ താഴെയുള്ള ബോളര്‍മാര്‍ക്കെതിരെ ആയിരുന്നെന്നും സച്ചിന്റെ മകനെ ടീമില്‍ ഉള്‍പ്പെടുത്തിയതിനെ അനുകൂലിക്കുന്നവര്‍ ചൂണ്ടിക്കാട്ടുന്നു. എന്നാല്‍, സച്ചിന്റെ മകന്‍ എന്ന നിലയിലുള്ള പരിഗണന തന്നെയാണ് അര്‍ജുന് പലയിടത്തും ഗുണം ചെയ്തതെന്നാണ് പൊതുവിലയിരുത്തല്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha