സൈന്യത്തിന്റെ കണ്ണുവെട്ടിച്ച് ഇന്ത്യയിലേക്ക് നുഴഞ്ഞുകയറാന്‍ ഭീകരര്‍ 'കാല്‍ക്കുലേറ്റര്‍' എന്ന ആപ്ലിക്കേഷന്‍ ഉപയോഗിക്കുന്നുവെന്ന് റിപ്പോര്‍ട്ട്. കൊഗ്‌നിറ്റീവ് ഡിജിറ്റല്‍ റേഡിയോ(സി.ഡി.ആര്‍) എന്ന സാങ്കേതിക വിദ്യ ഉപയോഗിച്ചാണ് ഈ ആപ്പ് പ്രവര്‍ത്തിക്കുന്നത്. ജമ്മു കശ്മീരിലേക്ക് നുഴഞ്ഞുകയറുന്ന ഭീകരര്‍ സ്മാര്‍ട്ട് ഫോണുകളിലുള്ള ഈ ആപ്പ് ഉപയോഗിച്ചാണ് പാക്ക് അധീന കശ്മീരിലെ കേന്ദ്രങ്ങളുമായി ബന്ധപ്പെടുന്നത്. സൈന്യത്തിന്റെ സാങ്കേതിക വിദഗ്ധര്‍ക്ക് ഇതു കണ്ടെത്താന്‍ കഴിയാറില്ല. പ്രശ്‌നം മറികടക്കാനുള്ള ശ്രമത്തിലാണ് നാഷനല്‍ ടെക്‌നിക്കല്‍ റിസര്‍ച്ച് ഓര്‍ഗനൈസേഷനും മറ്റ് സുരക്ഷാ ഏജന്‍സികളും.

വയര്‍ലെസോ മൊബൈല്‍ ഫോണോ വഴിയുള്ള സംഭാഷണങ്ങള്‍ ചോര്‍ത്തിയാണ് സൈന്യത്തിന്റെ സിഗ്‌നല്‍ യൂണിറ്റ് നുഴഞ്ഞുകയറ്റക്കാരെയും മറ്റും കണ്ടെത്താറുള്ളത്. എന്നാല്‍ പുതിയ ആപ് ഇത് അസാധ്യമാക്കുന്നു. സി.ഡി.ആര്‍ പ്രവര്‍ത്തിക്കുന്നത് സ്വയം ഉണ്ടാക്കുന്ന വയര്‍ലസ് സിഗ്‌നലുകള്‍ ഉപയോഗിച്ചാണ്. സെല്ലുലര്‍ സര്‍വീസിന്റെയോ വൈഫൈയുടെയോ പരിധിയില്‍ വരാത്ത ഇത്തരം സിഗ്‌നലുകള്‍ നാല് മൈല്‍ വരെ ആശയവിനിമയം സാധ്യമാക്കും.

കത്രീന കൊടുങ്കാറ്റ് ഉണ്ടായ സമയത്ത് ഒറ്റപ്പെട്ടുപോയവര്‍ക്ക് മറ്റുള്ളവരുമായി ബന്ധപ്പെടുന്നതിന്  ഒരു അമേരിക്കന്‍ കമ്പനിയാണ് ഈ സാങ്കേതിക വിദ്യ ആദ്യമായി ഉപയോഗിച്ചത്. ഇതിന്റെ പരിഷ്‌കരിച്ച പതിപ്പ് ഉപയോഗിച്ചുതുടങ്ങിയത് ലഷ്‌കറെ തയിബയാണ്. പ്രത്യേകം തയാറാക്കിയ ഓഫ് എയര്‍ നെറ്റ്‌വര്‍ക്ക് ഉപയോഗിച്ചാണ് ആപ്പിന്റെ പ്രവര്‍ത്തനം. ജിപിഎസിലുടെ ലഭ്യമാകുന്ന ഭൂമിശാസ്ത്രവിവരങ്ങളും ഓഫ് ലൈന്‍ മാപ്പുകളും ഉപയോഗിച്ചാണ് സ്മാര്‍ട്ട് ഫോണില്‍  ഡൗണ്‍ലോഡ് ചെയ്യുന്ന ആപ്പിന്റെ പ്രവര്‍ത്തനം. ഇതിനായി സ്വന്തം നെറ്റ്‌വര്‍ക്കിന്റെ സിഗ്‌നലാണ് ഉപയോഗപ്പെടുത്തുന്നത്. ഭീകരര്‍ അവരുടെ ഫോണ്‍ റേഡിയോ സെറ്റുമായി ബന്ധപ്പെടുത്തിയാണ് അതിര്‍ത്തി കടക്കുന്നത്. ഇതുവഴിയാണ് പിന്നീട് നിര്‍ദേശങ്ങള്‍ ലഭിക്കുന്നതെന്നും റിപ്പോര്‍ട്ടില്‍ പറയുന്നു

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha