കുടുംബത്തോടൊപ്പം ക്ഷേത്ര ദര്‍ശനത്തിനു ശേഷം ചെന്നൈയിലേക്ക് മടങ്ങിയ പ്രശസ്ത സംഗീത സംവിധായകന്‍ ഇളയ രാജയെ വിമാനത്താവളത്തില്‍ തടഞ്ഞു. വിമാനത്താവളത്തിലെ സുരക്ഷാ പരിശോധനാ വിഭാഗം ഇളയരാജയുടെ ബാഗുകള്‍ പരിശോധിക്കുന്നതിനിടെ സ്‌കാനറില്‍ പ്രസാദത്തിലെ തേങ്ങാ കഷണം കണ്ടതാണ് വിനയായത്. ഇതേത്തുടര്‍ന്ന് കൂടുതല്‍ പരിശോധന നടത്തേണ്ടതിനാല്‍ കുറച്ച് സമയം കൂടി കാത്തുനില്‍ക്കണമെന്ന് ഇളയരാജയോടും കുടുംബാംഗങ്ങളോടും സുരക്ഷ ഉദ്യോഗസ്ഥര്‍ ആവശ്യപ്പെടുകയായിരുന്നു.ബംഗളൂരുവിലെ കെമ്പഗൗഡ ഇന്റര്‍നാഷണല്‍ വിമാനത്താവളത്തിലായിരുന്നു സംഭവം. ഇളയരാജയെ പരിശോധിച്ച സുരക്ഷ ഉദ്യോഗസ്ഥന് അദ്ദേഹം ആരാണെന്ന് അറിയില്ലായിരുന്നു.
ഈ സമയം ഇളയരാജയുടെ മകന്‍ കാര്‍ത്തിക് രാജ സെക്യൂരിറ്റി ഉദ്യോഗസ്ഥരുടെ ചിത്രങ്ങള്‍ എടുക്കാന്‍ ശ്രമിച്ചത് പ്രകോപനത്തിന് ഇടയാക്കി. ഉദ്യോഗസ്ഥരും കാര്‍ത്തിക് രാജയും തമ്മില്‍ വാക്കേറ്റവും ഉണ്ടായി. ചിത്രങ്ങള്‍ കളഞ്ഞതിന് ശേഷം ഒരു മണിക്കൂറോളം നീണ്ട വാഗ്വാദത്തിനൊടുവിലാണ് ഇളയരാജയെയും കുടുംബത്തെയും വിമാനത്തില്‍ കയറാനായി വിട്ടതെന്നും സംഭവത്തിന് ദൃക്‌സാക്ഷിയായ മാധ്യമ പ്രവര്‍ത്തകന്‍ പ്രതികരിച്ചു. ഇളയ രാജയെ തിരിച്ചറിയാതിരുന്ന സുരക്ഷ ഉദ്യോഗസ്ഥനോട് ഇളയ രാജ പ്രശസ്ത സംഗീത സംവിധായകനും, നിരവധി ദേശീയ അവാര്‍ഡിനു അര്‍ഹനായിട്ടുള്ള ആളാണെന്ന് മാധ്യമപ്രവര്‍ത്തകന്‍ വിശദീകരിക്കുകയും ചെയ്തു.

ഒരു മണിക്കൂറോളം തടഞ്ഞു വച്ച ഇളയരാജയെ മുതിര്‍ന്ന ഉദ്യോഗസ്ഥര്‍ ഇടപെട്ടതിനെ തുടര്‍ന്നു അതെ വിമാനത്തില്‍ തന്നെ കയറ്റി വിടുകയും ചെയ്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha