ലൈസന്സില്ലാതെ സംസ്ഥാനത്ത് പ്രവര്ത്തിക്കുന്ന ഇറച്ചിക്കടകളും കശാപ്പ് ശാലകളും അടച്ചുപൂട്ടണമെന്ന് ഹൈക്കോടതി
ലൈസന്സില്ലാതെ സംസ്ഥാനത്ത് പ്രവര്ത്തിക്കുന്ന ഇറച്ചിക്കടകളും കശാപ്പ് ശാലകളും അടച്ചുപൂട്ടണമെന്ന് ഹൈക്കോടതി. മതിയായ ലൈസന്സില്ലാതെ കോര്പ്പറേഷന്, മുന്സിപ്പില് പരിധിയില് കശാപ്പ് അനുദിക്കരുതെന്നും അനധികൃത കശാപ്പ് ശാലകള് അടച്ചുപൂട്ടാന് തദ്ദേശ സ്വയംഭരണ സ്ഥാപനങ്ങള്ക്ക് പൊലീസ് സഹായം തേടാമെന്നും കോടതി വ്യക്തമാക്കി.
അനധികൃത കശാപ്പുശാലകള്ക്കും ഇറച്ചിക്കടകള്ക്കുമെതിരെ തദ്ദേശ സ്ഥാപന അധികൃതര് നടപടികളെടുക്കുന്നില്ലെന്ന് കാണിച്ചുള്ള ഹര്ജികളിലാണ് കോടതി ഈ ഉത്തരവ്. അനുമതിയില്ലാത്ത മാംസവില്പ്പനശാലകള് പ്രവര്ത്തിക്കുന്നില്ലെന്ന് തദ്ദേശ സ്ഥാപനങ്ങള് ഉറപ്പാക്കണമെന്നും കോടതി നിര്ദേശിച്ചിട്ടുണ്ട്.
വീടുകളില് നിന്നും പൊതുറോഡില് നിന്നും നിശ്ചിത അകലം പാലിക്കണം, റോഡുകളിലേക്ക് തുറന്നനിലയില് കടകളുടെ മുന്ഭാഗം സ്ഥാപിക്കരുത് തുടങ്ങിയ നിബന്ധനകള് നിയമത്തിലുള്ളപ്പോഴും പൊതുഇടങ്ങളില് ഇത്തരം സ്ഥാപനങ്ങള് പ്രവര്ത്തിക്കുന്നുണ്ട്. തുറസ്സായ സ്ഥലത്താണ് ഇവയുടെ പ്രവര്ത്തനം. പ്രസ്തുത വിഷയത്തില് നിരവധി കോടതി വിധികള് നിലവിലുണ്ടെങ്കിലും അത് ശരിയായി നടപ്പാക്കുന്നില്ലെന്ന് കോടതി ചൂണ്ടിക്കാട്ടി.
തദ്ദേശ സ്ഥാപനങ്ങള് ശുചിത്വ മിഷനുമായി ചേര്ന്ന കശാപ്പ് ശാലകള്ക്കായി അടിസ്ഥാന സൗകര്യങ്ങളൊരുക്കണം. പഞ്ചായത്തിന് സാമ്പത്തിക ബാധ്യതയുണ്ടാക്കുമെങ്കിലും പഞ്ചായത്ത് രാജ് ആക്ടില് പറയുന്ന രീതിയില് കശാപ്പ് ശാലകള് നിര്മ്മിക്കാന് നടപടി സ്വീകരിക്കണമെന്നും കോടതി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
