കെജരിവാളിന്റെ ഐ ഐ ടി പ്രവേശനത്തെ ചൊല്ലിയുള്ള വിവാദം ചൂടുപിടിക്കുന്നു, പ്രവേശനം നേടിയത് കുറുക്കുവഴിയിലൂടെയാണെന്ന് വാര്ത്ത
ഡല്ഹി മുഖ്യമന്ത്രി അരവിന്ദ് കെജരിവാളിന്റെ ഐ ഐ ടി പ്രവേശനത്തെപ്പറ്റിയുള്ള വിവാദങ്ങളുമായി ബന്ധപ്പെട്ട് വീണ്ടും ചര്ച്ചകള് പുകയുന്നു. പ്രധാന മന്ത്രി നരേന്ദ്ര മോദിയുടെ വിദ്യാഭ്യാസ യോഗ്യതയെകുറിച്ച പരാമര്്ശം നടത്തി ഏറെ വിവാദങ്ങള്ക്കു തിരി കൊളുത്തിയ കെജരിവാളിനെ അതേ നാണയത്തില് തന്നെ തിരിഞ്ഞാക്രമിക്കുകയാണ് ബിജെപി.
1985 ല് ഖരഖ്പൂര് ഐഐടിയില് കെജരിവാള് പ്രവേശനം നേടിയത് കുറുക്കുവഴിയിലൂടെയാണെന്ന ആരോപണമാണ് സോഷ്യല് മാധ്യമങ്ങളിലൂടെയും മറ്റു മാധ്യമങ്ങളിലൂടെയും പ്രചരിക്കുന്നത്. ഖരഖ്പൂര് ഐഐടിയില് കെജരിവാളിന്റെ റാങ്ക് കാര്ഡ് ലഭ്യമായിട്ടില്ലെന്നു ഒരു വെബ്സൈറ്റ് പുറത്തു വിട്ടതോടെയാണ് വിവാദം വീണ്ടും തലപൊക്കാന് കാരണമായത്. വിവരാവകാശ നിയമപ്രകാരം ലഭിച്ച രേഖകള് അടിസ്ഥാനമാക്കിയായിരുന്നു സൈറ്റിന്റെ ഈ വെളിപ്പെടുത്തല്.
കെജരിവാളിന്റെ ഐ.ഐ.ടി പ്രവേശന രേഖകള് ആവശ്യപ്പെട്ട് ബിജെപി രാജ്യസഭാംഗം സുബ്രഹ്മണ്യന് സ്വാമിയും രംഗത്തു വന്നിരുന്നു. കെജരിവാളിന്റെ ഐ.ഐ.ടി പ്രവേശന രേഖകള് ആവശ്യപ്പെട്ട് അപേക്ഷ നല്കിയെങ്കിലും റോള് നമ്പര് അടക്കമുള്ള വിവരങ്ങള് പുറത്തുവിട്ട സര്വകലാശാലാ അധികൃതര് മാര്ക്ക് ലിസ്റ്റ് പുറത്തുവിടാന് കഴിയില്ലെന്ന് അറിയിച്ചുവെന്നാണ് അദ്ദേഹത്തിന്റെ ആരോപണം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
