2017ല്‍ നടക്കാനിരിക്കുന്ന നിയമസഭാ തെരഞ്ഞെടുപ്പില്‍ മുന്‍ ഡല്‍ഹി മുഖ്യമന്ത്രി ഷീല ദീക്ഷിത് യു.പിയില്‍ കോണ്‍ഗ്രസിന്റെ മുഖ്യമന്ത്രി സ്ഥാനാര്‍ത്ഥി ആകാനില്ല. മുഖ്യമന്ത്രി സ്ഥാനാര്‍ത്ഥിയാകാന്‍ ഷീല ദീക്ഷിതിനോട് കോണ്‍ഗ്രസ് ആവശ്യപ്പെട്ടിരുന്നു. തെരഞ്ഞെടുപ്പ് തന്ത്രജ്ഞന്‍ പ്രശാന്ത് കിഷോറിന്റെ നിര്‍ദ്ദേശപ്രകാരമാണ് ഷീല ദീക്ഷിതിനെ സ്ഥാനാര്‍ത്ഥി ആക്കാനുള്ള ആലോചന ഉയര്‍ന്നു വന്നത്.
ഷീലയുടെ സ്ഥാനാര്‍ത്ഥിത്വം ബ്രാഹ്മണ വോട്ടുകള്‍ കോണ്‍ഗ്രസിന് അനുകൂലമായി ഏകീകരിക്കപ്പെടാന്‍ സഹായിക്കുമെന്ന് പ്രശാന്ത് കിഷോര്‍ നിര്‍ദ്ദേശിച്ചു. എന്നാല്‍ താന്‍ തെരഞ്ഞെടുപ്പില്‍ മത്സരിക്കാനില്ലെന്നാണ് അവരുടെ നിലപാട്. ഹിന്ദി ഹൃദയഭൂമിയായ യു.പിയിലെ ഏതാണ്ട് എല്ലാ സീറ്റിലും വിജയിച്ചിരുന്ന കോണ്‍ഗ്രസ് ഇപ്പോള്‍ യു.പിയില്‍ പരിതാപകരമായ അവസ്ഥയിലാണ്.
കഴിഞ്ഞ രണ്ട് പതിറ്റാണ്ടിനിടെയാണ് യു.പിയില്‍ കോണ്‍ഗ്രസിന്റെ പതനം സംഭവിച്ചത്. 2014ലെ ലോക്‌സഭാ തെരഞ്ഞെടുപ്പില്‍ യു.പിയിലെ 80 ലോക്‌സഭാ സീറ്റുകളില്‍ 71 സീറ്റും ബി.ജെ.പി നേടിയപ്പോള്‍ കോണ്‍ഗ്രസിന് രണ്ട്് സീറ്റില്‍ മാത്രമാണ് വിജയിക്കാനായത്. അഞ്ച് സീറ്റില്‍ സമാജ്‌വാദി പാര്‍ട്ടി വിജയം കണ്ടു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha