ബാംഗ്ലൂര് നഗരത്തിലെ ആദ്യ വനിതാഡ്രൈവര് തൂങ്ങി മരിച്ച നിലയില് കണ്ടെത്തി
ആന്ധ്രാ സ്വദേശിയായ ഭാരതിയെ ആണ് നാഗഷെട്ടി ഹള്ളിയിലുള്ള വീട്ടില് മരിച്ച നിലയില് കണ്ടെത്തിയത്. നഗരത്തിലെ ആദ്യ വനിതാ ടാക്സി ഡ്രൈവര് ഭാരതി(40) ഫാനില് തൂങ്ങി മരിച്ച നിലയിലായിരുന്നു കണ്ടെത്തിയത്. ആന്ധ്രാ സ്വദേശിയായ ഭാരതി ബംഗളുരുവില് ഒറ്റയ്ക്കായിരുന്നു താമസിച്ച് വന്നിരുന്നത്.
തിങ്കളാഴ്ച രാത്രിയയോടെ സഞ്ജയാ പൊലീസ് സ്റ്റേഷന് പരിധിയിലുള്ള നാഗഷെട്ടി ഹള്ളിയിലുള്ള ഭാരതിയുടെ വീട്ടിലാണ് ഫാനില് തൂങ്ങി മരിച്ച നിലയില് കണ്ടെത്തിയത്. ജോലി മതിയാക്കി സ്വദേശത്ത് മടങ്ങാനാരിക്കവെയാണ് ഭാരതി ദുരൂഹ സാഹചര്യത്തില് മരിച്ചത്. ഭാരതിയെ ആരെങ്കിലും അപായപ്പെടുത്തിയതാകാമെന്നാണ് സുഹൃത്തുക്കളും അവര് താമസിച്ചിരുന്ന വീടിന്റെ ഉടമയും പറയുന്നത്. വാതില് തുറന്നുകിടന്നതും, മൃതദേഹത്തിലെ മുറിവുകളും പൊലീസിന് സംശയത്തിന് ഇട നല്കിയിട്ടുണ്ട്.
കഴിഞ്ഞ പത്തു വര്ഷമായി ഭാരതി ബംഗളുരുവിലായിരുന്നു താമസിച്ചത്. ഒരു എന് ജി ഒയില് ജോലി ചെയ്തുവന്ന ഭാരതി അടുത്തിടെയാണ് ടാക്സി ഡ്രൈവറായത്. ബംഗളുരുവിലെ ആദ്യ വനിതാ ടാക്സി ഡ്രൈവര് എന്ന നിലയില് വലിയ വാര്ത്ത പ്രാധാന്യവും ലഭിച്ചിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha