നാലു ദിവസം മുന്‍പ് ചെന്നൈ, നുങ്കംപാക്കം റെയില്‍വെ സ്‌റ്റേഷനില്‍ ഇന്‍ഫോസിസ് ജീവനക്കാരിയെ വെട്ടിക്കൊന്ന കൊലയാളിയെക്കുറിച്ച് സൂചന ലഭിച്ചതായി പൊലീസ്. സംഭവം നടന്ന് നാലു ദിവസം കഴിഞ്ഞിട്ടും പ്രതിയെ പിടികൂടാത്തതിനെ തുടര്‍ന്ന് പ്രതിഷേധം ശക്തമാവുകയാണ്. പ്രതിയെ എത്രയും വേഗം പിടികൂടണമെന്ന് ആവശ്യപ്പെട്ട് പ്രതിപക്ഷ പാര്‍ട്ടികള്‍ ഒന്നടങ്കം രംഗത്തെത്തി. സ്വാതിയുടെ കൊലപാതകത്തിന് പിന്നിലെ ദുരൂഹത രണ്ടു ദിവസത്തിനകം നീക്കണമെന്ന് മദ്രാസ് ഹൈക്കോടതി ഉത്തരവിട്ടതോടെ പ്രതിയ്ക്കായി സംസ്ഥാനമൊട്ടാകെ വലവിരിച്ചിരിയ്ക്കുകയാണ് പൊലിസ്. സിസിടിവി ദൃശ്യങ്ങള്‍ കേന്ദ്രീകരിച്ച് നടത്തിയ അന്വേഷണത്തില്‍ പ്രതിയെക്കുറിച്ച് നിര്‍ണായക വിവരങ്ങള്‍ ലഭിച്ചിട്ടുണ്ട്. ശാസ്ത്രീയ പരിശോധനകള്‍ക്ക് ശേഷം തുടര്‍നടപടികളുണ്ടാകുമെന്ന് മുഖ്യമന്ത്രി ജയലളിതയുമായി നടത്തിയ അടിയന്തര യോഗത്തിനു ശേഷം ഉന്നത ഉദ്യോഗസ്ഥര്‍ അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha