ധാക്കയില് നടന്ന ഭീകരാക്രമണത്തിന്റെ ഉത്തരവാദിത്വം ഇസ്ലാമിക് സ്റ്റേറ്റ് ഏറ്റെടുത്തപ്പോള് കൂടുതല് സൂക്ഷിക്കേണ്ടത് ഇന്ത്യയോ ?
ബംഗ്ലാദേശിലെ ഇന്ത്യന് നയതന്ത്ര കാര്യാലയത്തിന് സമീപമുള്ള ഹോളി ആര്ട്ടിസാന് ബേക്കറി കഫേയില് വെള്ളിയാഴ്ച രാത്രി 9 മണിയോടെയായിരുന്നു ഭീകരര് ആക്രമണം നടത്തിയത്. 20 വിദേശികള് ഉള്പ്പെടെ 60ഓളം പേരെ അക്രമികള് ബന്ദികളാക്കുകയും രണ്ടു പോലീസുകാര് ഉള്പ്പെടെ അഞ്ച് പേര് മരിക്കുകയും ചെയ്ത സംഭവത്തിന്റെ പൂര്ണ്ണ ഉത്തരവാദിത്വം ഇസ്ലാമിക് സ്റ്റേറ്റ് ഏറ്റെടുത്തു.
ഒന്പതോളം പേരടങ്ങിയ സംഘമാണ് ആക്രമണം നടത്തിയത്. റസ്റ്റോറന്റില് ഇരച്ചുകയറിയ ആക്രമികള് ബോംബെറിഞ്ഞ് ഭീകരാന്തരീക്ഷം സൃഷ്ടിച്ച ശേഷം വെടിയുതിര്ക്കുകയായിരുന്നു. 20 വിദേശികള് ഉള്പ്പെടെ 35 ഓളം ആളുകള് റെസ്റ്റോറന്റിന് ഉള്ളില് കുടുങ്ങിക്കിടക്കുന്നതായാണ് റിപ്പോര്ട്ട്.
ഇസ്ലാമിക് സ്റ്റേറ്റ് ഭീകരര് ഇന്ത്യയില് ആക്രമണം നടത്താന് സാധ്യത വളരെ കൂടുതലാണെന്നു തെളിയിക്കുന്നതാണ് ധാക്കയില് ഇന്നലെ നടന്ന ഭീകരാക്രമണം. കഴിഞ്ഞ ദിവസങ്ങളില് ഹൈദെരാബാദില് നിന്നു ഇസ്ലാമിക് സ്റ്റേറ്റ് ഭീകരര് അറസ്റിലായ സംഭവത്തിന്റെ പശ്ചാത്തലത്തില് ഇന്ത്യ കൂടുതല് കരുതിയിരിക്കേണ്ടതുണ്ട്.ലോകരാഷ്ട്രങ്ങളിലെ പ്രമുഖരെ അടക്കം കൊലപ്പെടുത്തുമെന്ന് ഇസ്ലാമിക് സ്റ്റേറ്റ് ഭീകരര് നേരത്തെ അറിയിച്ചിരുന്നു. ഇസ്ലാമിക് സ്റ്റേറ്റ് അനുകൂലമായ വെബ്സൈറ്റ് കഴിഞ്ഞ മാസം ലോകത്തൊട്ടാകെ വധിക്കാന് ഉദ്ദേശിക്കുന്നവരുടെ പേരും , വിലാസവും ഉള്പ്പെടെ ഇസ്ലാമിക് സ്റ്റേറ്റ് പുറത്തു വിട്ടിട്ടുണ്ടെന്നു റിപ്പോര്ട്ട് ചെയ്തിരുന്നു. ഇതില് ഇന്ത്യയില് നിന്നുള്ള പ്രമുഖരുടെ പേരുകളും ഉള്പ്പെട്ടിരുന്നു.
കഴിഞ്ഞ ദിവസങ്ങളില് ഹൈദരാബാദില് നിന്നു പിടിയിലായ ഇസ്ലാമിക് സ്റ്റേറ്റ് പ്രവര്ത്തകര് റമദാന് മാസത്തില് ചാര്മിനാറിനു സമീപമുള്ള ഭാഗ്യലക്ഷ്മി ക്ഷേത്രത്തില് മാംസം കടത്തി വര്ഗ്ഗീയ കലാപം സൃഷ്ടിക്കാന് ലക്ഷ്യമിട്ടിരുന്നതായി റിപ്പോര്ട്ടു ചെയ്തിരുന്നു. ഹൈദരാബാദിലെ മൊഗാല്പുരയിന് നിന്നാണ് 11 ഐഎസ് അനുഭാവികളെ ദേശീയ അന്വേഷണ ഏജന്സിയും പൊലീസും ചേര്ന്ന് പിടികൂടിയത്. ഐഎസിന്റെ ഇന്ത്യയിലെ റിക്രൂട്ടര് ഷാഫി അര്മറുമായി ബന്ധം പുലര്ത്തിയിരുന്നു എന്നു തെളിയിക്കുന്ന ഫോണ് സംഭാഷണങ്ങള് എന്ഐഎക്കു ലഭിച്ചതിലൂടെയാണ് ഇവരെ അറസ്റ്റു ചെയ്തത്. ഇരുപതിനും മുപ്പതിനും ഇടയില് പ്രായമുള്ള യുവാക്കളാണ് പിടിയിലായതെന്നുള്ളതാണ് ഏറ്റവും ഭയാനകമായ വസ്തുത. ഭാഗ്യലക്ഷ്മി ക്ഷേത്രത്തിണ് പുറമെ ജനങ്ങള് തിങ്ങിനിറയുന്ന ഷോപ്പിംഗ് സെന്ററുകളടക്കമുള്ള സ്ഥലങ്ങളില് ആക്രമണം നടത്താനും ഇവര് പദ്ധതിയിട്ടിരുന്നു.
ഇസ്ലാമിക് സ്റ്റേറ്റ് ഭീകരരെ ആദ്യമായി ഇന്ത്യയില് നിന്നു അറസ്റ്റു ചെയ്തു എന്ന വാര്ത്ത പുറത്തു വന്നപ്പോള് ഇനിയും ഇസ്ലാമിക് സ്റ്റേറ്റ് ഭീകരര് ഇന്ത്യയില് ഉണ്ടാവും എന്നുള്ള കാര്യം ഉറപ്പാണ്. ഇസ്താംബൂള് വിമാനത്താവളത്തില് ആക്രമണം നടത്തിയതിനു ശേഷം ഇന്ത്യയിലെ അന്തര്ദേശീയ വിമാനത്താവളങ്ങള്ക്കു ഇസ്ലാമിക് സ്റ്റേറ്റ് ഭീഷണി ഉണ്ടെന്നു വാര്ത്തകള് വന്നിരുന്നു. ഇതിന്റെ പശ്ചാത്തലത്തില് ഇന്ത്യയെ ഏതു നിമിഷവും ഇസ്ലാമിക് സ്റ്റേറ്റ് ആക്രമിക്കാനുള്ള സാധ്യതയും കൂടുതലാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
