ഭാര്യയുടെ പീഡനം സഹിക്കാന്‍ കഴിയാതെ ജലന്ദറില്‍ ഭര്‍ത്താവും അമ്മയിയമ്മയും ആത്മഹത്യ ചെയ്തു. ഭര്‍ത്താവ് രാമന്‍ (30) അമ്മ തൃപ്തി റാണി (50) എന്നിവരാണ് ആത്മഹത്യ ചെയ്തത്. പല തവണ രാമനെ ഭാര്യ മാനസികമായി പീഡിപ്പിക്കുകയും മര്‍ദ്ദിക്കുകയും ചെയ്യുന്നത് ഭാര്യയുടെ അമ്മ തൃപ്തി കാണാറുണ്ടായിരുന്നു. ഇതു തടയാന്‍ ചെന്ന അമ്മയെ മകള്‍ നിരവധി തവണ മര്‍ദ്ദിക്കുകയും മുടിക്ക് കുത്തി പിടിച്ച് ഭിത്തിയില്‍ ഇടിക്കുകയും ചെയ്യുമായിരുന്നു. സ്വന്തം അമ്മയെ നാട്ടിലുള്ളവര്‍ക്ക് കാഴ്ച്ചവയ്ക്കാന്‍ യുവതി ശ്രമിച്ചിരുന്നു എന്നാല്‍ ഇവരില്‍ ആത്മഹത്യാ പ്രേരണയുണ്ടാക്കിയത് അമ്മയെയും മരുമകനെയും ചേര്‍ത്ത് അവിഹിത ബന്ധം ആരോപിച്ചതില്‍ തുടര്‍ന്നാണ് എന്നാണ് അയല്‍വാസികളുടെ മൊഴി. താന്‍ ഇല്ലാത്ത സമയങ്ങളില്‍ തനിക്കു പകരക്കാരി ആകാന്‍ ഭര്‍ത്താവ് നഷ്ടപ്പെട്ട തന്റെ അമ്മ ശ്രമിക്കുന്നതായി മകള്‍ നാട്ടില്‍ പ്രചരിപ്പിച്ചിരുന്നതായും അയല്‍വാസികള്‍ പോലീസിന് മൊഴി നല്‍കി. തിങ്കളാഴ്ച രാവിലെ രാംനഗര്‍ റെയില്‍വേ സ്‌റ്റേഷനില്‍ വെച്ചായിരുന്നു സംഭവം.
രാവിലെ ട്രാക്കില്‍ മൃതദേഹം കണ്ട റെയില്‍വേ പോലീസാണു പോസ്റ്റ്‌മോര്‍ട്ടത്തിന് അയച്ചത്. കിഷന്‍പുര സ്വദേശികളാണ് ഇവര്‍. പ്രാഥമിക അന്വേഷണത്തിന്റെ അടിസ്ഥാനത്തില്‍ യുവതിക്കു നേരെ കേസ് രജിസ്റ്റര്‍ ചെയ്യാന്‍ പോലീസ് തീരുമാനിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha