ചെന്നൈയിലെ ഇന്‍ഫോസിസ് ജീവനക്കാരി സ്വാതിയുടെ മരണവുമായി ബന്ധപ്പെട്ട് അറസ്റ്റു ചെയ്ത പ്രതി രാംകുമാര്‍ ആത്മഹത്യ ശ്രമം നടത്തിയിട്ടില്ലെന്ന് പ്രതിയുടെ പിതാവ് പരമശിവം. കൊലപാതകം ചെയ്‌തെന്നു പറയുന്ന ദിവസം രാംകുമാര്‍ പതിവ് പോലെ വീട്ടിലെത്തുകയും സാധാരണ രീതിയില്‍ നടന്നതുമാണ്. അസാധാരണമായ ഒരു പെരുമാറ്റവും രാംകുറിന്റെ ഭാഗത്തു നിന്നുമുണ്ടായിരുന്നില്ലെന്നും പിതാവ് വെളിപ്പെടുത്തി.

തങ്ങള്‍ ദളിതരായതു കൊണ്ട് പോലീസ് മനപൂര്‍വം കേസില്‍ പെടുത്തിയതാണെന്നും പിതാവ് പരമശിവം. കഴുത്തറുത്ത എന്റെ മകന്‍ എങ്ങനെ കുറ്റ സമ്മതം നടത്തും എന്നു പിതാവ് ചോദിച്ചു. അവന്‍ സംസാരിക്കാതിരിക്കാന്‍ പോലീസ് തന്നെ കഴുത്തറുത്തതാണ്, എന്റെ മകന്‍ കുറ്റകൃത്യത്തില്‍ പങ്കെടുക്കാന്‍ സാധ്യത ഇല്ലെന്നും പരമശിവം വ്യക്തമാക്കി. സംഭവം ആത്മഹത്യാ ശ്രമമാക്കി മാറ്റുകയാണ് പോലീസിന്റെ ലക്ഷ്യമെന്ന് പരമശിവം ആരോപിച്ചു.

ചെന്നൈ പോലിസിന്റെ അന്വേഷണത്തില്‍ കൂടുതലൊന്നും പറയാനില്ല കേസുമായി സഹകരിച്ചു തന്നെ മുന്നോട്ടു പോകുമെന്നും രാംകുമാറിന്റെ പിതാവ് പരമശിവം വ്യക്തമാക്കി. ഇന്‍ഫോസിസ് ജീവനക്കാരി സ്വാതിയുടെ മരണവുമായി ബന്ധപ്പെട്ട് അറസ്റ്റു ചെയ്യുന്നതിന് മുന്‍പ് രാംകുമാര്‍ കഴുത്തറുത്ത് ആത്മഹത്യാ ശ്രമം നടത്തിയിരുന്നു. ഗുരുതരമായി കഴുത്തിനു മുറിവേറ്റ രാംകുമാറിന്റെ കഴുത്തറുത്തത് പോലീസ് തന്നെയാണ് ആശുപത്രിയിലെത്തിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha