ജയിലില്‍ ഒരു വര്‍ഷമായി കഴിയുന്ന അവിവഹിതയായ തടവുകാരി മൂന്നു മാസം ഗര്‍ഭിണി
ലഖ്‌നൗ ജയില്‍ കൊലക്കുറ്റത്തിന് ജയിലില്‍ കഴിഞ്ഞിരുന്ന 21കാരിയായ അവിവാഹിതയായ യുവതി മൂന്നു മാസം ഗര്‍ഭിണി. സംഭവത്തില്‍ ഉത്തരംമുട്ടി ജയില്‍ അധികൃതര്‍. സോണോഗ്രഫി റിപ്പോര്‍ട്ടിലാണു യുവതി ഗര്‍ഭിണിയാണെന്നു വ്യക്തമായത്. കൊലപാതകവുമായി ബന്ധപ്പെട്ടു കഴിഞ്ഞ വര്‍ഷമാണ് ഇവര്‍ യുപിയിലെ ജയിലില്‍ ആകുന്നത്. പെണ്‍കുട്ടി ഗര്‍ഭിണിയാണെന്നു സംശയതോന്നിയ സീനിയര്‍ പ്രിസണ്‍ കണ്‍സള്‍ട്ടിന്റെ നിര്‍ദേശത്തെ തുടര്‍ന്നാണു യുവതിയെ പരിശോധനയ്ക്ക് അയച്ചത്.
സ്വത്തുതര്‍ക്കത്തെ തുടര്‍ന്ന് മാരകായുധം കൊണ്ടു ബന്ധുവിനെ കൊലപ്പടുത്തിയ കേസിലാണു യുവതി അമ്മയ്ക്കും സഹോദരിക്കും ഒപ്പം ജയിലിലായത്. അച്ഛനും ഇവര്‍ക്കൊപ്പം ജയിലില്‍ ഉണ്ടായിരുന്നെങ്കിലും ജാമ്യത്തില്‍ പുറത്തിറങ്ങി. ആഴ്ചയില്‍ ഒരിക്കല്‍ ജയില്‍ സന്ദശിച്ചിരുന്ന വനിത ഡോക്ടറോടും പെണ്‍കുട്ടി വിവരം പറഞ്ഞിരുന്നില്ല. സംഭവത്തിനു വ്യക്തത നല്‍കാന്‍ കഴിയാതെ ഇരുട്ടില്‍ തപ്പുകയാണ് ജയില്‍ അധികൃതര്‍.
കഴിഞ്ഞ നവംബര്‍ രണ്ടിനാണ് യുവതി ജയിലില്‍ എത്തിയത്. വിവാഹിതയല്ല എന്നാണ് യുവതി ജയില്‍ അധികൃതരെ അറിയിച്ചിരുന്നതെന്ന് ജയില്‍ സൂപ്രണ്ട് പറഞ്ഞു. യുവതി കേസിന്റെ വാദത്തിനായി കോടതിയില്‍ സ്ഥിരമായി പോകാറുണ്ടായിരുന്നു. ഏതാനും ദിവസം മുമ്പാണ് സീനിയര്‍ കണ്‍സള്‍ട്ടന്റ് പെണ്‍കുട്ടി ഗര്‍ഭിണിയാണെന്നു സംശയം പ്രകടിപ്പിച്ചത്. തുടര്‍ന്ന് നടത്തിയ അള്‍ട്രാസൗണ്ട് പരിശോധനയില്‍ പെണ്‍കുട്ടി 34 ആഴ്ച ഗര്‍ഭിണിയാണെന്നു തെളിയുകയായിരുന്നു. ഒരു ഗര്‍ഭിണിക്ക് കൊടുക്കുന്ന എല്ലാ പരിഗണനയും സംരക്ഷണവും യുവതിക്ക് കൊടുക്കുന്നുണ്ടെന്നു സൂപ്രണ്ട് പറഞ്ഞു
https://www.facebook.com/Malayalivartha
