ആഹാര അവശിഷ്‌ടങ്ങള്‍ വലിച്ചെറിയുക എന്നത്‌ ട്രെയിന്‍ യാത്രക്കാരുടെ ഒരവകാശമായാണ്‌ കണ്ടിരുന്നത്‌. എന്നാല്‍ തെറ്റി. റെയില്‍വേ സ്റ്റേഷനും പരിസരവും വൃത്തികേടാക്കുന്നവരില്‍ നിന്നും 500 രൂപ ഈടാക്കാന്‍ റെയില്‍വേയുടെ നിര്‍ദ്ദേശം. നിലവില്‍ 100 രൂപയായിരുന്നു. ഇതനുസരിച്ച്‌ ഭക്ഷണം നല്‍കുന്നവര്‍ തന്നെ അവശിഷ്‌ടം ശേഖരിക്കാനുള്ള പകരം സംവിധാനമൊരുക്കണം. അവശിഷ്‌ടം വലിച്ചെറിയുന്ന രീതി മാറ്റുകയാണ്‌ ഉദ്യേശം. നല്ലകാര്യം.  പക്ഷേ അതിനേക്കാള്‍ ഗുരുതരമായ പ്രശ്‌നമാണ്‌ ട്രെയിനല്‍ നിന്നും പാളത്തിലേക്ക്‌ നേരെ വീഴുന്ന മലമൂത്ര വിസര്‍ജനങ്ങള്‍. ഗുരുതരമായ പാരിസ്ഥിക പ്രശ്‌നങ്ങളും ആരോഗ്യ പ്രശ്‌നങ്ങളും ഉണ്ടാക്കുന്നതാണ്‌ ഇത്‌. ഇത്തരം മാലിന്യങ്ങള്‍ പുറം തള്ളാതെ സംരക്ഷിക്കുന്നതിനുള്ള മാര്‍ഗങ്ങള്‍ ഇന്ന്‌ നിലവിലുണ്ടെങ്കിലും അത്‌ ഫലപ്രദമായി ഉപയോഗിക്കാന്‍ റെയില്‍വേയ്‌ക്ക്‌ കഴിയുന്നില്ല.