ഡല്‍ഹി മനഭംഗത്തോടെ കോണ്‍ഗ്രസും സര്‍ക്കാരും ശക്തമായ നിലപാടുകളിലേക്ക്‌ നീങ്ങുകയാണ്‌. തലസ്ഥാനത്ത്‌ നടന്ന്‌ കൊണ്ടിരിക്കുന്ന മാനഭംഗങ്ങള്‍ സര്‍ക്കാരിനെ കുറച്ചൊന്നുമല്ല വിഷമിപ്പിച്ചത്‌. കോണ്‍ഗ്രസിനാകട്ടെ ഇത്‌ വലിയ ക്ഷീണമായി. ഡല്‍ഹിയില്‍ സോണിയാഗാന്ധിയും ഷീലാദീക്ഷിത്തും ഉള്‍പ്പെടെ രണ്ട്‌ സ്‌ത്രീകള്‍ മാത്രമാണ്‌ സുരക്ഷിതരെന്ന സമരക്കാരുടെ മുദ്രാവാക്യം വലിയ നാണക്കേടുണ്ടാക്കി. അത്‌കൊണ്ട്‌തന്നെ ശക്തമായ നിയമനിര്‍മ്മാണത്തിന്‌ മുന്‍കൈയെടുക്കുകയാണ്‌ കോണ്‍ഗ്രസ്‌.

മാനഭംഗ കേസുകളിലില്‍ പ്രതിയാവുന്നവര്‍ക്ക്‌ പരോളില്ലാതെ മുപ്പത്‌ വര്‍ഷം കഠിന തടവ്‌, ലൈംഗിക ശേഷി ഇല്ലാതാക്കല്‍ തുടങ്ങിയ കര്‍ശന വ്യവസ്ഥകള്‍ ഉള്‍ക്കൊള്ളിച്ച്‌ കോണ്‍ഗ്രസ്‌ കോര്‍ കമ്മിറ്റി കരട്‌ ബില്ലിന്‌ രൂപം നകുന്നു. നിയമ ഭേദഗതിയെക്കുറിച്ചു പഠിക്കാന്‍ നിയോഗിച്ച ജസ്റ്റിസ്‌ ജെ.എസ്‌. വര്‍മ്മ കമ്മറ്റി മുന്‍പാകെ ഈ കരട്‌ ബില്‍ സമര്‍പ്പിക്കും. അതോടൊപ്പം ഇത്തരം കേസുകളില്‍ മൂന്നു മാസത്തിനകം വിചാരണ നടപടികള്‍ പൂര്‍ത്തിയാക്കും.