അസാധുവായ അഞ്ഞൂറിന്റേയും ആയിരത്തിന്റേയും നോട്ടുകള്‍ കൈവശം വെച്ചാല്‍ ഇനി മുതല്‍ പിഴ കൊടുക്കേണ്ടി വരും. പത്തെണ്ണത്തിലേറെ നോട്ടുകള്‍ കൈവശം വെച്ചാലാണ് ശിക്ഷ നടപ്പാക്കുക. കുറഞ്ഞത് 10000 രൂപ വരെ പിഴ ഈടാക്കും. ഇത് അംഗീകരിക്കുന്ന നിയമത്തില്‍ രാഷ്ട്രപതി പ്രണബ് മുഖര്‍ജി ഒപ്പുവെച്ചു. 

നോട്ട് അസാധുവാക്കിയ സമയത്ത് വിദേശത്തായിരുന്നവര്‍ക്ക് മാര്‍ച്ച് 31 വരെ സത്യവാങ്മൂലം നല്‍കി റിസര്‍വ് ബാങ്കില്‍ അസാധു നോട്ടുകള്‍ നിക്ഷേപിക്കാന്‍ സമയം അനുവദിച്ചിട്ടുണ്ട്. അതേസമയം വിദേശത്തായിരുന്നു എന്നത് കൃത്യമായി പരിശോധിച്ച ശേഷമായിരിക്കും സമയം അനുവദിക്കുക. തെറ്റായ സത്യവാങ്മൂലം നല്‍കിയാല്‍ കുറഞ്ഞത് 50000 രൂപ പിഴ ഈടാക്കുന്നതായിരിക്കും.

നേരത്തെ ഡിസംബര്‍ 31 നുള്ളില്‍ അസാധുവായ നോട്ടുകള്‍ മാറണമെന്നും കൈവശം വെക്കുന്നത് കുറ്റകരമാണെന്നും പ്രഖ്യാപിച്ചിരുന്നെങ്കിലും പിഴ ഈടാക്കണമെന്ന നിയമ ബില്ലില്‍ പ്രസിഡന്റ് ഒപ്പ് വെച്ചിരുന്നില്ല.