കൂട്ടമാനഭംഗം രഹസ്യവിചാരണ മാത്രം, മാധ്യമങ്ങള് വാര്ത്ത നല്കുന്നതിനും നിയന്ത്രണം
07 JANUARY 2013 10:07 AM IST
മലയാളി വാര്ത്ത.
ബസ്സില് കൂട്ടമാനഭംഗത്തിനും മര്ദനത്തിനും ഇരയായി യുവതി മരിച്ച കേസില് പ്രതികളുടെ വിചാരണ രഹസ്യമായി നടത്താന് സാകേതിലെ മെട്രോപൊളിറ്റന് മജിസ്ട്രേട്ട് കോടതിയുടെ ഉത്തരവ്. വിചാരണ നടക്കുന്നിടത്ത് പ്രവേശനം പബ്ലിക് പ്രോസിക്യൂട്ടര്ക്കും പ്രതികളുടെ അഭിഭാഷകര്ക്കും മാത്രം.
മാധ്യമങ്ങള് വാര്ത്ത നല്കുന്നതിനും നിയന്ത്രണം ഏര്പ്പെടുത്തും. കോടതിയുടെ അനുമതിയില്ലാതെ വാര്ത്തകള് നല്കരുതെന്ന് കോടതി നിര്ദേശിച്ചു. പ്രതികള്ക്ക് കോടതി കുറ്റപത്രം നല്കി. കേസ് വീണ്ടും ജനവരി പത്തിന് പരിഗണിക്കും.
പ്രതികള്ക്കായി കേസ് വാദിക്കാന് രാവിലെ മുന്നോട്ട് വന്ന അഭിഭാഷകരും അതിനെ എതിര്ത്ത അഭിഭാഷകരും തമ്മില് വാക്കേറ്റമുണ്ടായി. പ്രതികള്ക്കായി ഹാജരായവരെ വനിതാ അഭിഭാഷകര് വളഞ്ഞുവെച്ചു. ഇത്തരം സംഭവങ്ങള് ആവര്ത്തിക്കാതിരിക്കാനണ് രഹസ്യ വിചാരണയെന്നും കോടതി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
