നുഴഞ്ഞുകയറിയ പാകിസ്താന് ബാലന് സൈന്യത്തിന്റെ പിടിയില്
ജമ്മു കശ്മീര് രജൗറിയില് അതിര്ത്തിയില് നുഴഞ്ഞുകയറാന് ശ്രമിച്ച 12കാരനായ പാകിസ്താന് ബാലനെ ഇന്ത്യന് സൈന്യം പിടികൂടി. വെള്ളിയാഴ്ച വൈകിട്ട് രജൗറിയിലെ നൗഷെര സെക്ടറില് നിയന്ത്രണ രേഖയില് നിന്നാണ് ബാലനെ പിടികൂടിയത്. അഷ്ഫഖ് അലി ചൗഹാന് എന്നാണ് പേര്. പാക് അധിനിവേശ കശ്മീരിലെ ദുങ്കര് പെല് ഗ്രാമത്തില് നിന്നുള്ള ബലോച് റെജിമെന്റിലെ മുന് സൈനികന്റെ മകനാണ് ഇയാള്.
നുഴഞ്ഞുകയറാനുള്ള അനുകൂല സാഹചര്യമൊരുക്കാനും സൈന്യത്തിന്റെ പട്രോളിംഗ് ട്രാക്ക് കണ്ടെത്തുന്നതിനും ബാലനെ പാകിസ്താന് സൈന്യം നിയോഗിച്ചതാണെന്ന് സേന സംശയം പ്രകടിപ്പിച്ചു.
സൈന്യത്തിന്റെ മുന്നില് പെട്ടതോടെ ബാലന് കീഴടങ്ങുകയായിരുന്നു. സൈനിക നീരിക്ഷണം ഏറെയുള്ളതും കുഴിബോംബുകള് അടക്കം സ്ഥാപിച്ചിട്ടുള്ളതുമായി നിയന്ത്രണ രേഖയില് നിരീക്ഷണത്തിന് ബാലനെ നിയോഗിച്ച പാക് സൈന്യത്തിന്റെ നടപടി മനുഷ്യാവകാശങ്ങളോട് എങ്ങനെയാണ് പ്രതികരിക്കുന്നതെന്ന് തുറന്നുകാട്ടുന്നുവെന്നും സൈന്യം വ്യക്തമാക്കുന്നു. കൂടുതല് അന്വേഷണത്തിനായി ബാലനെ സൈന്യം പോലീസിന് കൈമാറി.
https://www.facebook.com/Malayalivartha
