ഭര്ത്താവുള്പ്പെടെ എട്ടു പേര്ക്കെതിരെ വ്യാജ മാനഭംഗ പരാതി നല്കിയ യുവതിക്ക് തടവുശിക്ഷ
ഇപ്പോള് സാധാരണയായി മാറിയിരിക്കുകയാണ് മാനഭംഗകേസുകള്. എന്നിരുന്നാലും ഈ സംഭവത്തില് മനം നൊന്ത് കഴിയുന്നവരാണ് ഇരകളായവര്. എന്നാല് ഇവിടെ സ്വന്തം ഭര്ത്താവ് ഉള്പ്പെടെ എട്ടുപേര്ക്കെതിര വ്യാജ മാനഭംഗ പരാതി നല്കിയിരിക്കുന്നു ഒരു യുവതി. വ്യാജ പരാതി നല്കിയ യുവതിക്ക് ഏഴുവര്ഷം തടവുശിക്ഷയാണ് കോടതി വിധിച്ചത്.
ഹരിയാനയിലെ റോത്തക്കിലുള്ള ഒരു കോടതിയാണ് ഇരുപത്തിയെട്ടുകാരിയായ മീനാക്ഷി എന്ന യുവതിയെ വ്യാജപരാതി നല്കിയതിന് ശിക്ഷിച്ചത്. തെറ്റായ തെളിവുകള് നല്കിയതിനു മീനാക്ഷിക്കെതിരെ ഐപിസി 195, 211 വകുപ്പുകളാണ് ചുമത്തിയത്.
2010 ജൂണിലാണ് യുവതി പരാതി നല്കിയത്. വീടിനടുത്തുള്ള ഒരാളും ബന്ധുക്കളും ഉള്പ്പെടെയുള്ളവര് ചേര്ന്ന് കൂട്ടമാനഭംഗം ചെയ്തെന്നായിരുന്നു പരാതി. കാറില് കയറ്റിയായിരുന്നു പീഡനം. പീഡിപ്പിച്ചയാളെ കൊണ്ട് നിര്ബന്ധപൂര്വം തന്നെ വിവാഹം കഴിപ്പിച്ചു. വിവാഹശേഷവും പീഡനം തുടര്ന്നതായും മീനാക്ഷി പരാതിയില് ചൂണ്ടിക്കാട്ടി.
17 സാക്ഷികളെ വിസ്തരിച്ച കോടതി, പരാതി വ്യാജമാണെന്നു കണ്ട് 2015ല് യുവതിയുടെ ഭര്ത്താവിനെയും ബന്ധുക്കളെയും വെറുതെ വിട്ടിരുന്നു. തെറ്റായ തെളിവുകള് നല്കിയതിന് യുവതിക്കെതിരെ കേസെടുക്കാന് കോടതി തുടര്ന്ന് നിര്ദേശിക്കുകയായിരുന്നു.
https://www.facebook.com/Malayalivartha