ഭാര്യ ഫോണിലൂടെ മുത്തലാഖ് ചൊല്ലി; കാരണം കേട്ട് ഭര്ത്താവ് ഞെട്ടി പിന്നെ സംഭവിച്ചത്
രാജ്യം മുത്തലാഖ് കുലങ്കഷമായി ചര്ച്ച ചെയ്യുകയാണ്. മുസ്ലീം സ്ത്രീകള് അനുഭവിക്കുന്ന പീഡനവും മാനഹാനിയുമൊക്കെ ചര്ച്ച ചെയ്യുന്നതിനിടെ ഉത്തര് പ്രദേശില് നിന്ന് ഞെട്ടിക്കുന്നൊരു വാര്ത്ത. യുവതി ഫോണിലൂടെ മുത്തലാഖ് ചൊല്ലി ഭര്ത്താവിനെ ഉപേക്ഷിച്ചു. ഇതറിഞ്ഞ ഭര്ത്താവ് ആത്മഹത്യക്ക് ശ്രമിച്ചു.
ഉത്തര് പ്രദേശിലെ കോര്ബ ജില്ലയിലാണ് സംഭവം. ഇരുപത്തിരണ്ട് വയസ്സുകാരനായ ചന്ദന് ഖാനും പത്തൊന്പത് വയസ്സുകാരിയായ യുവതിയും ഏഴ് മാസം മുന്പാണ് വീവാഹിതരായത്. വീട്ടുകാരുടെ സമ്മതമില്ലാതെ വിവാഹം കഴിച്ച ഇരുവരും കോര്ബയില് താമസിച്ച് വരുകയായിരുന്നു. ഭര്ത്താവിന്റെ സഹോദരന്റെ വീട്ടിലായിരുന്നു താമസം.
കഴിഞ്ഞ ദിവസം സ്ഥലത്തെത്തിയ മാതാപിതാക്കള് പെണ്കുട്ടിയെ വീട്ടിലേക്ക് കൂട്ടിക്കൊണ്ടുപോയി. ഇതിന് ശേഷം ഫോണിലൂടെ വിളിച്ച് മുത്തലാഖ് പറഞ്ഞു. പെണ്കുട്ടിയെ ബലാല്ക്കാരമായി കൂട്ടിക്കൊണ്ടുപോയ വീട്ടുകാര് തോക്കിന് മുനയില് നിര്ത്തി തലാഖ് പറയിക്കുകയായിരുന്നുവെന്ന് ചന്ദന് ഖാന് പറയുന്നു.
മുത്തലാഖ് കേട്ടതോടെയാണ് ചന്ദന് ഖാന് ആത്മഹത്യക്ക് ശ്രമിച്ചത്. ഫാനില് കെട്ടികത്തൂങ്ങിയ യുവാവിനെ അയല്വാസിയാണ് രക്ഷിച്ചത്. ബോധരഹിതനായ യുവാവിനെ ആശുപത്രിയില് പ്രവേശിപ്പിച്ചു. ഭാര്യയെ ശാരീരികമായി വേദനിപ്പിക്കുകയും ഭീഷണിപ്പെടുത്തിയുമാണ് വീട്ടുകാര് തലാഖ് പറയിച്ചതെന്ന് ചന്ദന് ഖാന് പൊലീസില് പരാതിപ്പെട്ടു.
അതേസമയം മറ്റു മതസ്ഥരെപോലെയൊ അതില് കുറവോ മുസ്ലിംകള്ക്കിടയില് അപൂര്വമായി നടക്കുന്ന വിവാഹമോചനങ്ങളെ കൊട്ടിഘോഷിച്ച് മുത്തലാഖാണ് രാജ്യത്തെ ഏറ്റവും വലിയ പ്രശ്നമെന്ന രീതിയില് പ്രചരിപ്പിക്കുന്നത് കേന്ദ്രം ഭരിക്കുന്ന ബി ജെ പി സര്ക്കാറിന്റെ ഏകസിവില് കോഡ് നടപ്പിലാക്കാനുള്ള അജണ്ഡയുടെ ഭാഗമാണെന്ന് സോഷ്യല് മീഡിയയില് ഇത് സംബന്ധിച്ച് നടക്കുന്ന ചര്ച്ചയില് പറയുന്നു.
പുരുഷന്മാരെ സ്ത്രീകള് വിവാഹ മോചനം നടത്തുന്നതിനെ ഫസ്ഖ് എന്നാണ് പറയുകയെന്നും തലാഖിനെന്ന പോലെ ഫസ്ഖിനും അതിന്റേതായ മാനദണ്ഡങ്ങള് ഉണ്ടെന്നും മുസ്ലിം പേരുസ്വീകരിച്ച ആരെങ്കിലും ചെയ്യുന്നത് ഇസ്ലാമിന്റെ അക്കൗണ്ടില് ചേര്ക്കരുതെന്നും മാധ്യമങ്ങള് ഇക്കാര്യത്തില് കാണിക്കുന്ന ആവേശം ദുരൂഹമാണെന്നും ചര്ച്ചയില് വ്യക്തമാക്കുന്നു.
https://www.facebook.com/Malayalivartha
