ഭര്ത്താവിനെ കെട്ടിയിട്ട് ഭാര്യയെ സംഘം ചേര്ന്ന് പീഡിപ്പിച്ചു; ലോറി ഡ്രൈവറെയും സുഹൃത്തുക്കളെയും അന്വേഷിച്ച് പോലീസ്
ഭര്ത്താവിനെ കെട്ടിയിട്ട ശേഷം എട്ട് പേര് ചേര്ന്ന് ഭാര്യയെ പീഡിപ്പിച്ചു. വ്യാഴാഴ്ച രാത്രി ഉത്തര്പ്രദേശിലെ ജലോന് ജില്ലയിലായിരുന്നു സംഭവം. സംഭവത്തിന് ശേഷം കവര്ച്ച നടത്തിയ സംഘം ഇരുവരെയും ഓറയ്യ-ജലോണ് ഹൈവേയില് ഉപേക്ഷിക്കുകകയായിരുന്നു. കര്ഷകരായ ദമ്പതികള് ജയ്പൂരില് നിന്ന് ജലോനിലേയ്ക്ക് പോകുമ്പോഴായിരുന്നു ആക്രമിക്കപ്പെട്ടതെന്നാണ് പോലീസ് നല്കുന്ന വിവരം.
അര്ദ്ധരാത്രിയോടെ ട്രെയിനില് ഓറയ്യില് എത്തിയ ദമ്പതികള് ബസിന് വേണ്ടി കാത്തുനില്ക്കുമ്പോള് വാനുമായെത്തിയ സംഘമാണ് ലിഫ്റ്റ് വാഗ്ദാനം നല്കി ദമ്പതിമാരെ ആക്രമിച്ചത്. ആദ്യം വാഹനത്തില് ഡ്രൈവര് മാത്രമായിരുന്നു ഉണ്ടായിരുന്നതെങ്കിലും മദ്യശാലയ്ക്ക് സമീപത്തുനിന്ന് മറ്റുചിലര് കൂടി വാഹനത്തില് കയറിയതോടെയാണ് കൈകാലുകള് ബന്ധിച്ച ഭര്ത്താവിന് മുമ്പില് വച്ച് ഭാര്യയെ കൂട്ടമാനഭംഗത്തിന് ഇരയാക്കിയത്. എട്ടംഗ സംഘം വാഹനത്തില് കയറിയതോടെ വാഹനം ഒറ്റപ്പെട്ട സ്ഥലത്തെത്തേക്ക് കൊണ്ടുപോയ ശേഷമായിരുന്നു ഇരുവരെയും ആക്രമിച്ചത്.
സംഭവത്തിന് ശേഷം ഇരുവരെയും ഹൈവേയില് ഉപേക്ഷിച്ച സംഘം കടന്നുകളയുകയായിരുന്നു. തുടര്ന്ന് ജലോണ് പോലീസിലെത്തിയാണ് ദമ്പതിമാര് പരാതി നല്കിയത്. കേസില് എഫ്ഐആര് രജിസ്റ്റര് ചെയ്ത പോലീസ് യുവതിയെ വൈദ്യപരിശോധനയ്ക്ക് അയച്ചിട്ടുണ്ട്. കേസില് അന്വേഷണം ആരംഭിച്ചെന്നും കുറ്റവാളികള് ഉടന് അറസ്റ്റിലാവുമെന്നും ജലോന് അഡീഷണല് എസ്പി എസ് സി ഷാക്യ പറഞ്ഞു.
https://www.facebook.com/Malayalivartha