റൊട്ടി, ദാല്, ഒറ്റമുറി; കെജ്രിവാള് തീഹാര് ജയിലില് ഹാപ്പിയാണ്
വിപാസന ധ്യാനം നടത്താറുള്ള അരവിന്ദ് കെജ്രിവാളിനെ ജയിലിലെ നാലാം നമ്പര് വിപാസന വാര്ഡിലാണ് പാര്പ്പിച്ചിരിക്കുന്നത്. 2011-ല് അണ്ണാ ഹസാരെയെ അല്പ്പ നേരത്തേക്ക് പാര്പ്പിച്ചതും ഇതേ വാര്ഡിലായിരുന്നു. പ്രതികള്ക്ക് പ്രത്യേക പരിഗണന നല്കുന്നത് 2008 ല് അവസാനിപ്പിച്ചെങ്കിലും കടുത്ത പ്രമേഹ രോഗിയായ കെജ്രിവാളിന് പ്രത്യേക ടോയ്ലറ്റുള്ള ഒറ്റ മുറിയാണ് അനുവദിച്ചിരിക്കുന്നത്. ഫാനും ലൈറ്റുമുണ്ട്. വീട്ടില് നിന്ന് കൊണ്ടു വന്ന മെത്ത ഉപയോഗിക്കാനും അനുവദിച്ചിട്ടുണ്ട്. ജയിലിലെ ഭക്ഷണമായ റൊട്ടിയും ദാലും തന്നെയാണ് കെജ്രിവാളിന് ന്ലകിയത്. ജയില് ക്യന്റീനില് നിന്ന് ഭക്ഷണവും മറ്റ് സാധനങ്ങളും വാങ്ങാന് 750 രൂപയുടെ കൂപ്പണ് അനുവദിച്ചിട്ടുണ്ട്.
ഡല്ഹി മുഖ്യമന്ത്രിയായിരിക്കെ നിരവധി തവണ കെജ്രിവാളിനെ തീഹാര് ജയിലിലേക്ക് ക്ഷണിച്ചിരുന്നു. മറ്റൊരവസരത്തില് വരാമെന്ന് പറഞ്ഞ് ക്ഷണങ്ങളെല്ലാം അദ്ദേഹം നിരസിച്ചു. മുഖ്യമന്ത്രിയായിരിക്കെ ജയില് വകുപ്പിന്റെ ചുമതലയും കെജ്രിവാളിനായിരുന്നു.
ബി ജെ പി അദ്ധ്യക്ഷന് നിതിന് ഗഡ്കരിക്കെതിരായ മാനനഷ്ടക്കേസുമായി ബന്ധപ്പെട്ട് കെജ്രിവാളിന്റെ ജുഡീഷ്യല് കസ്റ്റഡി 14 ദിവസത്തേക്ക് കൂടി നീട്ടുകയായിരുന്നു. ജൂണ് 6 വരെ അദ്ദേഹത്തിന് തീഹാര് ജയിലില് തുടരേണ്ടി വരും.
https://www.facebook.com/Malayalivartha
