മോദിയുടെ സത്യപ്രതിജ്ഞ വൈകിട്ട് ആറിന്
ബിജെപി നേതാവ് നരേന്ദ്ര മോദിയുടെ നേതൃത്വത്തിലുള്ള കേന്ദ്രമന്ത്രിസഭ ഇന്നു സത്യപ്രതിജ്ഞ ചെയ്ത് അധികാരമേല്ക്കും. രാഷ്ട്രപതിഭവന് അങ്കണത്തില് വൈകുന്നേരം ആറിനാണു മോദിയും ടീമംഗങ്ങളും രാഷ്ട്രപതി പ്രണാബ് മുഖര്ജി മുമ്പാകെ സത്യപ്രതിജ്ഞയെടുക്കുക. ചടങ്ങില് പാക്കിസ്ഥാന് പ്രധാനമന്ത്രി നവാസ് ഷരീഫ്, ശ്രീലങ്കന് പ്രസിഡന്റ് മഹിന്ദ്ര രാജപക്സെ എന്നിവരുള്പ്പെടെ സാര്ക് രാജ്യങ്ങളിലെ നേതാക്കളടക്കം മൂവായിരത്തോളം അതിഥികളാണു പങ്കെടുക്കാനെത്തുന്നത്.
നരേന്ദ്ര മോദിയുടെ സത്യപ്രതിജ്ഞ മുന്നിര്ത്തി ഡല്ഹിയില് പതിനായിരം സുരക്ഷാ ഉദ്യോഗസ്ഥരെയാണു സജ്ജമാക്കിയിരിക്കുന്നത്. അര്ധസൈനിക വിഭാഗം, സ്പെഷല് പ്രൊട്ടക്ഷന് ഗ്രൂപ്പ്, നാഷണല് സെക്യൂരിറ്റി ഗാര്ഡ് (എന്എസ്ജി), ഡല്ഹി പോലീസ് എന്നീ വിഭാഗങ്ങള് ഇന്നു സത്യപ്രതിജ്ഞ നടക്കുന്ന രാഷ്ട്രപതിഭവന് പരിസരത്ത് അണിനിരന്നിരിക്കുന്നു. രാഷ്ട്രത്തലവന്മാര് ഉള്പ്പെടെ നിരവധി വിശിഷ്ട വ്യക്തികള് പങ്കെടുക്കുന്നതിനാല് രാജ്പഥും ഇന്ത്യാഗേറ്റും അടക്കമുള്ള തന്ത്രപ്രധാന മേഖലയിലെല്ലാം നിരോധനാജ്ഞ പ്രഖ്യാപിച്ചിട്ടണ്ട്.
https://www.facebook.com/Malayalivartha
