പാകിസ്ഥാന്‍ പ്രധാന മന്ത്രി നവാസ്‌ ഷെറിഫുമായുള്ള കൂടിക്കാഴ്‌ചയില്‍ തീവ്രവാദത്തിനെതിരെ പാകിസ്ഥാന്‍ ശക്തമായ നിലപാട്‌ സ്വീകരിക്കണമെന്ന്‌ നരേന്ദ്ര മോഡി അഭ്യര്‍ത്ഥിച്ചു. ഡല്‍ഹിയിലെ ഹൈദരാബാദ് ഹൗസിലാണ് 50 മിനിറ്റ് നീണ്ടുനിന്ന കൂടിക്കാഴ്ച നടന്നത്.

നവാസ് ഷെരീഫുമായുളള ചര്‍ച്ചയില്‍ ഇന്ത്യ അഞ്ചിന ആവശ്യങ്ങള്‍ മുന്നോട്ട് വെച്ചു. മുംബൈ ഭീകര അക്രമണത്തിലെ മുഴുവന്‍ പ്രതികളെയും വിചാരണചെയ്യണമെന്നും അതിര്‍ത്തികടന്നുളള തീവ്രവാദത്തെ തടയിടണമെന്നും ഇന്ത്യ ആവശ്യപ്പെട്ടു.

ഭീകരതയ്‌ക്കെതിരെ വിശ്വസനീയവും ക്രിയാത്മകവുമായ നിലപാട്‌ സ്വീകരിക്കാതെ ഇരു രാജ്യങ്ങളും തമ്മിലുള്ള ബന്ധം സാധാരണ നിലയില്‍ തുടരാനാവില്ലെന്ന നിലപാടില്‍ ഉറച്ചു നിന്നായിരുന്നു മോഡി ഷെറീഫുമായി കൂടികാഴ്‌ച നടത്തിയത്‌. ഇന്ത്യയിലെ പല സ്‌ഫോടന കേസുകളിലും പങ്കുള്ള അധോലോക നായകന്‍ ദാവൂദ്‌ ഇബ്രാഹീമിനെ സംരക്ഷിക്കുന്ന പാകിസ്ഥാന്റെ നിലപാടും അഗീകരിക്കാനാവില്ലെന്ന്‌ മോഡി വ്യക്തമാക്കി. എന്നാല്‍ ദാവൂദ്‌ പാകിസ്ഥാനില്‍ ഇല്ലെന്നും ദാവൂദിന്‌ പാകിസ്ഥാന്‍ അഭയം നല്‍കില്ലെന്നും ഷെറീഫ്‌ വ്യക്തമാക്കി.

മോഡിയെ ഷെറീഫ്‌ പാകിസ്ഥാനിലേക്ക്‌ ക്ഷണിക്കുകയും ചെയ്‌തു. നവാസ് ഷെരീഫ് ഇന്ന് പ്രത്യേക വാര്‍ത്താസമ്മേളനം നടത്തുന്നുണ്ട്. .

പാകിസ്ഥാനില്‍ നിന്നുമുള്ള എതിര്‍പ്പുകള്‍ അവഗണിച്ചാണ് നവാസ് ഷെരീഫ് ഇന്നലെ നടന്ന മോദിയുടെ സത്യപ്രതിജ്ഞാ ചടങ്ങില്‍ പങ്കെടുത്തത്. സമാധാന സന്ദേശവുമായാണ് ഇന്ത്യന്‍ യാത്രയെന്നാണ് ഇന്ത്യയിലേക്ക് തിരിക്കും മുമ്പ് നവാസ് ഷെരീഫ് പറഞ്ഞത്. സംഭാഷണം മാത്രമാണ് പരിഹാരമെന്നും ഷെരീഫ് പറഞ്ഞിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha