ജമ്മു കശ്മീരിന്റെ പ്രത്യേക പദവി എടുത്തുകളയുമെന്ന്   കേന്ദ്ര സഹമന്ത്രി മന്ത്രി ഡോ ജിതേന്ദ്ര സിംഗ് . ജമ്മു കശ്മീരിന് പ്രത്യേക പദവി നല്‍കുന്ന ഭരണഘടനയുടെ 370 ആം അനുഛേദം നീക്കം ചെയ്യുമെന്നും ഇതിനുള്ള നടപടിയുമായി മുന്നോട്ട് പോകുമെന്നും പ്രധാനമന്ത്രിയുടെ ഓഫീസിന്റെ ചുമതലയുള്ള ഡോ ജിതേന്ദ്ര സിംഗ് പറഞ്ഞു. ജമ്മു കശ്മീരിലെ പകുതി സീറ്റിലും വിജയിച്ചത് ബിജെപിയാണെന്നും അദ്ദേഹം അവകാശപ്പെട്ടു.

കശ്മീരിന് മറ്റു സംസ്ഥാനങ്ങളില്‍ നിന്നും വിഭിന്നമായി പ്രത്യേക പദവി നല്‍കുന്ന ഭരണഘടനയുടെ 370 ആം വകുപ്പിനെതിരെ ശക്തമായ പ്രചാരണമായിരുന്നു ഇതുവരെ ബിജെപി നടത്തിയിരുന്നത്. രാജ്യത്തിന്റെ മുഖ്യധാരയിലേക്ക് കശ്മീര്‍ എത്തുന്നത് തടയാനായുള്ള ഗൂഢാലോചനയുടെ ഭാഗമായാണിതെന്നായിരുന്നു ബിജെപിയുടെ നിലപാട്. കശ്മീരിനുള്ള പ്രത്യേക പദവി എടുത്തുകളയുക എന്നത് ബിജെപിയുടെ മുഖ്യ അജണ്ടകളില്‍പെട്ട ഒന്നാണ്.

എന്നാല്‍ തെരഞ്ഞെടുപ്പിന് മുന്നോടിയായി ജമ്മു കശ്മീരിന് പ്രത്യേക പദവി നല്‍കുന്ന ഭരണഘടനയുടെ 370 ആം വകുപ്പിനെതിരെയുള്ള നിലപാടില്‍ ബിജെപി അയവ് വരുത്തിയിരുന്നു. ജമ്മു കശ്മീരിനിന്റെ വികസനത്തിന് ഇത് ഉപകരിക്കുമെങ്കില്‍ പാര്‍ട്ടിക്ക് എതിര്‍പ്പില്ലെന്നായിരുന്നു ബിജെപി ദേശീയാധ്യക്ഷനായിരുന്ന രാജ്‌നാഥ് സിംഗ് അന്ന് വ്യക്തമാക്കിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha