കള്ളപ്പണത്തെക്കുറിച്ച്‌ അന്വേഷിക്കാന്‍ കേന്ദ്രസര്‍ക്കാര്‍ പ്രത്യേക അന്വേഷണ സംഘം രൂപീകരിച്ചു. സുപ്രീകോടതി മുന്‍ ജഡ്‌ജി ജസ്റ്റിസ്‌ എം ബി ഷായുടെ നേതൃത്വത്തിലുള്ള അന്വേഷണ സംഘത്തില്‍ സി ബി ഐ, രഹസ്യാന്വേഷണ ഏജന്‍സിയായ റോ, ഇന്റലിജന്‍സ്‌ മേധാവികളും റിസര്‍വ്‌ ബാങ്ക്‌ ഗവര്‍ണറുമുണ്ടാകും. നരേന്ദ്രമോദി മന്ത്രിസഭയുടെ ആദ്യ മന്ത്രിസഭായോഗത്തിലാണ്‌ തീരുമാനം.
വിദേശത്തുള്ള കള്ളപ്പണം രാജ്യത്തെ തിരികെ കൊണ്ടുവരാന്‍ പ്രത്യേക അന്വേഷണ സംഘം രൂപീകരിക്കാന്‍ 2012 ജൂലൈയില്‍ സുപ്രീംകോടതി ഉത്തരവിട്ടിരുന്നു. ജര്‍മ്മന്‍ ബാങ്കുകളില്‍ അക്കൗണ്ടുള്ളവരുടെ പേരു വിവരങ്ങള്‍ സെക്രട്ടറി റാങ്കില്‍ കുറയാത്ത ഉദ്യേഗസ്ഥര്‍ സൂക്ഷിക്കണമെന്നും സുപ്രീംകോടതി നിര്‍ദ്ദേശിച്ചിരുന്നു. ഇതനുസരിച്ചാണ്‌ മോദി മന്ത്രിസഭ ആദ്യ യോഗത്തില്‍ തന്നെ ഇക്കാര്യത്തില്‍ തീരുമാനമെടുത്തത്‌. ബി ജെ പി തെരഞ്ഞെടുപ്പ്‌ വാഗ്‌ദാനത്തില്‍ പറഞ്ഞ ഒന്നാണ്‌ കള്ളപ്പണത്തിനെതിരെ നടപടി കൈക്കൊള്ളുമെന്ന്‌.
ഉത്തര്‍പ്രദേശിലുണ്ടായ തീവണ്ടി അപകടത്തില്‍ പരിക്കേറ്റവരുടെ കുടുംബത്തിന്‌ 2 ലക്ഷം രൂപാ വീതം ധനസഹായം നല്‍കാനും കേന്ദ്രസര്‍ക്കാര്‍ തീരുമാനമുണ്ടായി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha