പതിനാറാം ലോക്സഭയുടെ ആദ്യ സമ്മേളനത്തിന് തുടക്കം; കമല്നാഥ് പ്രോടേം സ്പീക്കര്
പതിനാറാം ലോക്സഭയുടെ ആദ്യ സമ്മേളനത്തിന് ഇന്നു തുടക്കമായി. കേന്ദ്രമന്ത്രി ഗോപിനാഥ് മുണ്ടെയ്ക്ക് ആദരാഞ്ജലികള് അര്പ്പിച്ച് സഭ ഇന്നത്തേക്ക് പിരിഞ്ഞു. പ്രോടേം സ്പീക്കറായി കമല്നാഥ് സത്യപ്രതിജ്ഞ ചെയ്ത് ചുമതലയേറ്റു. എന് ഡി എ സര്ക്കാര് ചരിത്ര ഭൂരിപക്ഷത്തില് അധികാരത്തിലെത്തിയ ആദ്യ സഭാ സമ്മേളനമാണ് നടന്നത്.
പതിനാറാം ലോക്സഭയെ സംബന്ധിച്ച് രാഷ്ട്രപതി പുറപ്പെടുവിച്ച വിജ്ഞാപനം സെക്രട്ടറി ജനറല് പി ശ്രീധരന് വായിച്ചു. ലോക്സഭയിലെ മുഴുവന് അംഗങ്ങളുടേയും പേരുകള് മേശപ്പുറത്ത് വച്ചു. കേന്ദ്രമന്ത്രിയായിരുന്ന ഗോപിനാഥ് മുണ്ടെയുടെ മരണം പ്രോടേം സ്പീക്കര് സഭയെ ഔദ്യോഗികമായി അറിയിച്ചു. തുടര്ന്ന് സഭ പിരിയുന്നതായും സ്പീക്കര് അറിയിച്ചു. നാളെ 11 മണിക്ക് സഭ വീണ്ടും സമ്മേളിക്കും.
നാളെയാണ് എം പിമാരുടെ സത്യപ്രതിജ്ഞ. വെള്ളിയാഴ്ച സ്പീക്കര് തെരഞ്ഞെടുപ്പ് നടക്കും. സുമിത്ര മഹാജനെയാണ് സ്പീക്കര് സ്ഥാനത്തേക്ക് പരിഗണിക്കുന്നതെങ്കിലും സുമിത്രയുടെ പേര് ബി ജെ പി ഇതുവരെ ഔദ്യോഗികമായി പ്രഖ്യാപിച്ചിട്ടില്ല.
തിങ്കളാഴ്ച രാഷ്ട്രപതി പ്രണബ് മുഖര്ജി പാര്ലമെന്റിലെ ഇരു സഭകളേയും അഭിസംബോധന ചെയ്യും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
