ജസ്റ്റിസ് കെ.ജി.ബാലകൃഷ്ണന് കുരുക്ക് മുറുകുന്നു; കേസെടുക്കാനുള്ള നീക്കത്തിന് കേന്ദ്രത്തിന്റെ പച്ചക്കൊടി
ദേശീയ മനുഷ്യാവകാശ കമ്മീഷന് മേധാവിയും മുന് ചീഫ് ജസ്റ്റിസും മലയാളിയുമായ ജസ്റ്റിസ് കെ.ജി. ബാലകൃഷ്ണന്റെ പണി തെറിക്കാനുള്ള കളമൊരുങ്ങുന്നു. ബാലകൃഷ്ണനെതിരെ കേസെടുക്കാന് ആദായനികുതി വകുപ്പിന് നിര്ദ്ദേശം നല്കാനുള്ള രഹസ്യ നീക്കത്തിലാണ് കേന്ദ്രസര്ക്കാര്. മനുഷ്യാവകാശം പോലുള്ള ആധുനിക രക്ഷാമാര്ഗ്ഗങ്ങളിലൊന്നും വിശ്വസമില്ലാത്ത പ്രധാനമന്ത്രി നരേന്ദ്രമോദി കളങ്കിതനായ ഒരു വ്യക്തി ദേശീയ കമ്മീഷന് സ്ഥാനത്തിരിക്കുന്നത് അപമാനമാണെന്ന നിഗമനത്തിലാണെന്ന് കേള്ക്കുന്നു. ബാലകൃഷ്ണനെ നീക്കാനും പകരം മറ്റൊരു ചീഫ് ജസ്റ്റിസിനെ നിയമിക്കാനും മോദി മടിച്ചേക്കില്ല.
ജസ്റ്റിസ് കെ.ജി.ബിയെ നീക്കാന് കേന്ദ്ര സര്ക്കാരിന് അധികാരമില്ല. രാഷ്ട്രപതിയാണ് ഇക്കാര്യത്തില് തീരുമാനമെടുക്കേണ്ടത്. എന്നാല് മനുഷ്യാവകാശ നിയമത്തിലെ വ്യവസ്ഥയനുസരിച്ച് കേസില് കുടുങ്ങുന്ന ഒരാള്ക്ക് കമ്മീഷന്റെ തലപ്പത്തിരിക്കാനാവില്ല. ഇതേ നിയമം അനുസരിച്ചാണ് അടുത്തിടെ സ്ത്രീ പീഡന കേസില് കുടുങ്ങിയ ഒരു സംസ്ഥാന കമ്മീഷന് അധ്യക്ഷനെ നീക്കിയത്.
ഗുരുതരമായ ക്രമക്കേടുകള് കെ.ജി.ബിയുടെയും ബന്ധുക്കളുടെയും പേരില് നേരത്തെ തന്നെ കേള്ക്കുന്നുണ്ട്. ചീഫ് ജസ്റ്റിസായിരിക്കെ മക്കള്ക്കും മരുമക്കള്ക്കും അഴിമതി നടത്താന് അവസരമൊരുക്കി കൊടുത്തു എന്നതാണ് ഒരു പ്രധാന ആരോപണം. ഇപ്പോള് കെ.ജി.ബിയുടെ സ്റ്റാഫിലുണ്ടായിരുന്ന ഒരു ഹൈക്കോടതി ജീവനക്കാരനെ ഉപയോഗിച്ചും അദ്ദേഹത്തിന്റെ ബന്ധുക്കള് തട്ടിപ്പ് നടത്തിയെന്നാണ് ആരോപണം. ഉദ്യോഗസ്ഥനായ കെ.ജി ഫിലിപ്പ് വാങ്ങിയ എസ്റ്റേറ്റ് കെ.ജി.ബിയുടെതാണെന്നാണ് ആരോപണം. ജഡ്ജിയുടെ ബിനാമിയായാണ് അദ്ദേഹം അറിയപ്പെടുന്നത്. ഫിലിപ്പിനെ ചോദ്യം ചെയ്താല് കൂടുതല് കാര്യങ്ങള് പുറത്തു വരുമെന്നാണ് കരുതുന്നത്. കെ.ജി.ബാലകൃഷ്ണന്റെ മക്കളായ സോണി, റാണി, മരുമക്കളായ ശ്രീനിജന്, ബെന്നി, സഹോദരന് അന്തരിച്ച കെ.ജി ഭാസ്ക്കരന് എന്നിവര്ക്കെതിരെ നടത്തുന്ന അന്വേഷണത്തില് കെ.ജി. ഫിലിപ്പിനെയും ആദായ നികുതി വകുപ്പ് ഉള്പ്പെടുത്തിയിട്ടുണ്ട്.
ദേശീയ മനുഷ്യാവകാശ കമ്മീഷന് അധ്യക്ഷ സ്ഥാനം ഉന്നതമായ പദവിയാണ്. ജസ്റ്റിസ് കെ.ജി. ബാലകൃഷ്ണന് ഉന്നതതല ഇടപെടലിന്റെ ഫലമായാണ് സ്ഥാനം ലഭിച്ചത്. കെ.ജി. ബിക്ക് കോണ്ഗ്രസ് നേതൃത്വവുമായി അടുത്ത ബന്ധമുണ്ടായിരുന്നു. ഇന്ത്യന് ചീഫ് ജസ്റ്റിസ് സ്ഥാനത്തു നിന്നും വിരമിക്കുന്നവരാണ് ദേശീയ മനുഷ്യാവകാശ കമ്മീഷന് അധ്യക്ഷ സ്ഥാനത്തെത്തുന്നത്. സുപ്രീം കോടതി ചീഫ് ജസ്റ്റിസായിരുന്ന് വിരമിച്ച് അഴിമതി ആരോപണങ്ങളില് പെടുന്ന ആദ്യത്തെ ജഡ്ജിയാണ് കെ.ജി. ബാലകൃഷ്ണന് . നാര്ക്കോ പരിശോധന മനുഷ്യാവകാശ ലംഘനമാണെന്ന സുപ്രധാന വിധി ബാലകൃഷ്ണന്റേതാണ്. ഇതിനെ തുടര്ന്നാണ് അഭയകേസിലെ നിര്ണായക സാക്ഷികളെ നാര്ക്കോ പരിശോധനക്ക് വിധേയമാക്കാന് കഴിയാത്തത്.
കെ.ജി.ബിക്കെതിരെ വിവിധ തലങ്ങളില് രൂപം കൊണ്ട അന്വേഷണങ്ങളൊക്കെ യു.പി.എ സര്ക്കാര് അട്ടിമറിച്ചിരുന്നു. യുപിഎയുടെ കളള കളികളെ കുറിച്ചും മോദിക്ക് വ്യക്തമായ വിവരം കിട്ടിയിട്ടുണ്ട്. മാത്രമല്ല, കള്ള പണ ഇടപാടുകള്ക്ക് എതിരുമാണ് മോദി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
