അഞ്ച് മന്ത്രിമാര് രാജിവച്ചു, കേന്ദ്രമന്ത്രിസഭയില് കൂട്ടരാജി; പുനസംഘടനയില് സുരേഷ് ഗോപിക്കും കുമ്മനത്തിനും സാധ്യത
കേന്ദ്രമന്ത്രിസഭ പുനസംഘടന ചര്ച്ചകള് പുരോഗമിക്കുന്നതിനിടെ മന്ത്രിമാര് കൂട്ടരാജി. ഇന്നലെ കേന്ദ്രമന്ത്രി രാജീവ് പ്രതാപ് റൂഡി രാജിവച്ചു. ഇതിനോടകം അഞ്ചോളം മന്ത്രിമാരാണ് രാജിവച്ചതായി ദേശീയ മാധ്യമങ്ങള് റിപ്പോര്ട്ട് ചെയ്തിരിക്കുന്നത്. ഇന്നും മന്ത്രിമാരുടെ രാജി തുടരുമെന്നാണ് റിപ്പോര്ട്ടുകള്.
നൈപുണ്യ വികസന വകുപ്പാണ് രാജീവ് പ്രതാപ് റൂഡി കൈകാര്യം ചെയ്തിരുന്നത്. ശനിയാഴ്ചയോടെയാണ് പുനസംഘടന പ്രതീക്ഷിക്കുന്നത്. റൂഡിക്ക് പുറമെ ജലവിഭവമന്ത്രി ഉമാ ഭാരതി, കൃഷിമന്ത്രി രാധാമോഹന് സിങ്, ജലവിഭവസഹമന്ത്രി സഞ്ജീവ് ബല്യണ്, ചെറുകിട സംരഭ വകുപ്പ് മന്ത്രി കല്രാജ് മിശ്ര, സഹമന്ത്രി ഗിരിരാജ് സിങ് തുടങ്ങിയവരാണ് രാജിസന്നദ്ധത അറിയിച്ചിട്ടുണ്ട്. ഇതില് ചിലര് ഇന്നലെ തന്നെ രാജികത്ത് നല്കിയതായും സൂചനയുള്ളത്.
ധനമന്ത്രിയായ അരുണ് ജെയ്റ്റ്ലി ഉള്പ്പെടെ എട്ട് കേന്ദ്രമന്ത്രിമാരുടെ വകുപ്പുകള്ക്ക് മാറ്റമുണ്ടാകുമെന്നാണ് സൂചന. റെയില് വെ നിതിന് ഗഡ്കരിക്കു ലഭിച്ചേക്കും. അരുണ് ജയ്റ്റ്ലിക്ക് പകരം പീയുഷ് ഗോയല് ധനമന്ത്രിയാകും. നിയമസഭാ തിരഞ്ഞെടുപ്പ് നടക്കാനിരിക്കുന്ന കര്ണാടക, ഗുജറാത്ത് സംസ്ഥാനങ്ങള്ക്കു മന്ത്രിസഭയില് കൂടുതല് പ്രാതിനിധ്യം നല്കും. ഉത്തര്പ്രദേശില് നിന്നും 3 മന്ത്രിമാരും ഉണ്ടായേക്കുമെന്ന് വിലയിരുത്തലുണ്ട്. തെരഞ്ഞെടുപ്പ് അടുക്കുന്ന സംസ്ഥാനങ്ങളില് നിന്നുള്ള എംപിമാരേയും മന്ത്രിമാരുടെ പട്ടികയിലേക്ക് ഉള്പെടുത്താന് പദ്ധതിയുണ്ട്.
https://www.facebook.com/Malayalivartha