ഹിന്ദിയില് ഒരക്ഷരം മിണ്ടരുത്... ഹിന്ദി അടിച്ചേല്പ്പിക്കാന് ശ്രമിച്ചാല് ഹിന്ദി വിരുദ്ധ പോരാട്ടം ഇനിയും നടത്തുമെന്ന് കരുണാനിധി
ഒരുകാലത്ത് കെട്ടടങ്ങിയിരുന്ന ഹിന്ദി വിരുദ്ധ നിലപാടിലേക്ക് തമിഴ് ജനതയെ ഇളക്കിവിടാന് ഡിഎംകെ നേതാവ് കരുണാനിധി രംഗത്ത്. 1965-ല് ഹിന്ദി ഔദ്യോഗിക ഭാഷയാക്കാനുള്ള കേന്ദ്ര സര്ക്കാര് ശ്രമത്തിന് എതിരെയുള്ള പ്രക്ഷോഭത്തിന് നേതൃത്വം കൊടുത്ത പാര്ട്ടിയാണ് കരുണാനിധിയുടെ ഡിഎംകെ. ഇതേതുടര്ന്ന് ഹിന്ദി ഇതര സംസ്ഥാനങ്ങള് ഇംഗ്ലീഷ് സംസാരിക്കാമെന്ന് കേന്ദ്ര സര്ക്കാര് തീരുമാനിക്കുകയായിരുന്നു.
സര്ക്കാര് ഉദ്യോഗസ്ഥര് സോഷ്യല് മീഡിയയില് ഹിന്ദി ഭാഷ ഉപയോഗിക്കണമെന്ന പ്രധാനമന്ത്രി നരേന്ദ്ര മോഡിയുടെ നിര്ദ്ദേശത്തിന് എതിരെ രൂക്ഷ വിമര്ശനവുമായാണ് ഡിഎംകെ നേതാവ് എം കരുണാനിധി ഇപ്പോള് വന്നിരിക്കുന്നത്.
ഹിന്ദി ഭാഷ പ്രചരിപ്പിക്കാനല്ല രാജ്യത്തിന്റെ വികസനത്തിലാണ് മോഡി തന്റെ ശ്രദ്ധ പതിപ്പിക്കേണ്ടതെന്ന് കരുണാനിധി പറഞ്ഞു. പൗരന്മാരുടെ താല്പര്യത്തിന് വിരുദ്ധമായി ഹിന്ദി അടിച്ചേല്പ്പിക്കാനാവില്ലെന്നും ഹിന്ദി സംസാരിക്കാത്തവരെ രണ്ടാംകിടക്കാരായി ചിത്രീകരിക്കാനുള്ള ശ്രമത്തിന്റെ ഭാഗമാണ് ഇപ്പോള് നടക്കുന്നതെന്നും കരുണാനിധി പറഞ്ഞു. വേണ്ടിവന്നാല് ഹിന്ദി വിരുദ്ധ പോരാട്ടം തങ്ങള് ഇനിയും ആരംഭിക്കുമെന്ന സൂചനയും കരുണാനിധി നല്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
