പുതിയ സര്ക്കാരിനെ പ്രതീക്ഷയോടെ നോക്കിക്കണ്ട സാധാരണ ജനത്തിന് ഇനിയെന്ത് വേണം? യാത്രാക്കൂലി 14.2 ശതമാനവും ചരക്കുകൂലി 6.5 ശതമാനവും കൂട്ടി
നരേന്ദ്ര മോഡി സര്ക്കാരിനെ പ്രതീക്ഷയോടെ നോക്കിക്കണ്ട ജനത്തിന് ആദ്യ സമ്മാനം കിട്ടി. റെയില്വേ യാത്രാ നിരക്കിലും ചരക്ക് കൂലിയിലും വന് വര്ധന. യാത്രാക്കൂലി 14.2 ശതമാനവും ചരക്കുകൂലി 6.5 ശതമാനവും വര്ദ്ധിപ്പിച്ചു. പുതുക്കിയ നിരക്ക് ഈ മാസം 25 മുതല് പ്രാബല്യത്തില് വരും. 8000 കോടി രൂപയുടെ അധിക വരുമാനമാണ് വര്ധനവിലൂടെ കേന്ദ്ര സര്ക്കാര് ലക്ഷ്യമിടുന്നത്.
കഴിഞ്ഞ യുപിഎ സര്ക്കാരിന്റെ കാലത്ത് എടുത്ത തീരുമാനം നടപ്പില് വരുത്തുക മാത്രമാണ് എന്ഡിഎ സര്ക്കാര് ചെയ്തതെന്നാണ് റെയില്വെ മന്ത്രി സദാനന്ദ ഗൗഡ നല്കുന്ന വിശദീകരണം. കഴിഞ്ഞ സര്ക്കാരിന്റെ കാലത്ത് ഇടക്കാല ബജറ്റില് നിരക്ക് വര്ധിപ്പിക്കാന് തീരുമാനിച്ചു. എന്നാല് ലോക്സഭാ തെരഞ്ഞെടുപ്പ് അടുത്തു വരുന്ന സാഹചര്യത്തില് യുപിഎ സര്ക്കാര് തീരുമാനം മരവിപ്പിക്കുകയായിരുന്നു. ഇനിയും നിരക്ക് വര്ധിപ്പിച്ചില്ലെങ്കില് റെയില്വെ കടുത്ത സാമ്പത്തിക പ്രതിസന്ധിയിലേക്ക് പോകുമെന്നും റെയില്വെ മന്ത്രി അറിയിച്ചു.
അടുത്ത മാസം റെയില്വെ ബജറ്റ് അവതരിപ്പിക്കാനിരിക്കെയാണ് കേന്ദ്ര സര്ക്കാരിന്റെ നടപടി. യാത്രാനിരക്കില് എല്ലാ ക്ലാസുകളിലും വര്ധനവുണ്ടാകും. നിരക്ക് വര്ധന സംബന്ധിച്ച് റെയില്വെ മന്ത്രി സദാനന്ദ ഗൗഡ ഇന്നലെ ഉന്നത ഉദ്യോഗസ്ഥരുമായി ചര്ച്ച നടത്തിയിരുന്നു. കേന്ദ്ര സര്ക്കാര് ഒറ്റക്കെട്ടായാണ് യാത്രാനിരക്ക് വര്ധിപ്പിക്കാനുള്ള തീരുമാനമെടുത്തിരിക്കുന്നത്. യാത്രാക്കൂലിയും ചരക്കുകൂലിയും വര്ധിപ്പിക്കണമെന്ന് റെയില്വെ ബോര്ഡ് സര്ക്കാരിനോട് ശുപാര്ശ ചെയ്തിരുന്നു.
സബ്സിഡി ഇനത്തില് വലിയ തുകയാണ് നഷ്ടമാകുന്നതെന്ന് കേന്ദ്ര സര്ക്കാര് ചൂണ്ടിക്കാട്ടുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
