ഷീലാദീക്ഷിത് ഒഴിയും; വക്കത്തിനെയും ശങ്കരനാരായണനേയും ഉടന് പുറത്താക്കും.
ഗവര്ണ്ണര്മാരായ ശങ്കരനാരായണും വക്കം പുരുഷോത്തമനും പുര കത്തുമ്പോള് വാഴ വെട്ടുന്നവരാണെന്നും കുലം കുത്തികളാണെന്നും കേരളത്തിലെ കോണ്ഗ്രസ് നേതൃത്വത്തില് പൊതുവികാരം. ഇരുവരും ഗവര്ണ്ണര്മാരായി തുടരാന് അമിതോത്സാഹം കാണിക്കുന്നതിനെതിരെ വരും ദിവസങ്ങളില് കൂടുതല് നേതാക്കള് രംഗത്തു വരും. അതിനിടെ കേരളഗവര്ണ്ണര് ഷീലാദീക്ഷിത് ഉടന് രാജിവയ്ക്കുമെന്നാണ് സൂചനയുണ്ട്. വക്കവും ശങ്കരനാരായണനും രാജി വയ്ക്കാതിരിക്കുന്നത് അധികാരമോഹം അവസാനിക്കാത്തത് കാരണമാണെന്നും കോണ്ഗ്രസ് നേതാക്കള് പറയുന്നു. തങ്ങളാണെങ്കില് എന്നേ രാജിവയ്ക്കുമായിരുന്നു എന്നും സംസ്ഥാന കോണ്ഗ്രസ് നേതാക്കള് പറയുന്നു. ശങ്കരനാരായണനും വക്കവും വര്ഷങ്ങളായി ഗവര്ണ്ണര്മാരാണ്.
അതിനിടെ കസേരയില് ഒട്ടിയിരിക്കുന്ന ഗവര്ണ്ണര്മാരെ അടിയന്തരമായി കുടിയിറക്കണമെന്ന് നരേന്ദ്രമോഡി തന്റെ ഓഫീസിന് നിര്ദേശം നല്കിയിട്ടുണ്ട്. ഗവര്ണ്ണര്മാരെ പുറത്താക്കുന്നതിനെതിരെ നിയമപ്രശ്നങ്ങള് ഉന്നയിക്കുന്നവര് പണി നോക്കാനാണ് മോഡി പറയുന്നത്. റെയില് നിരക്ക് വര്ദ്ധിപ്പിച്ചതുള്പ്പടെയുളള കാര്യങ്ങളില് വിട്ടുവീഴ്ചയ്ക്കില്ലാന്നാണ് അറിയിപ്പ്. ആര്ക്കും വഴിപ്പെടുന്നയാളല്ല ഇന്ത്യന് പ്രധാനമന്ത്രി. സര്ക്കാര് നയങ്ങള് തിരുത്താന് അയാള് തയ്യാറാവുകയും ഇല്ല. ഇതിനിടെ കോണ്ഗ്രസുകാര് അധികാരഭ്രാന്തന്മാരാണെന്ന ചിന്ത ബി.ജെ.പിക്കാര് കോണ്ഗ്രസ് നേതൃത്വവുമായി പങ്കുവയ്ക്കുന്നുണ്ട്. ഗവര്ണര് പദവി ഭരണഘടനാപരമാണെങ്കിലും അത് രാഷ്ട്രീയ നിയമനമാണ്. അധികാരത്തിലുളള സര്ക്കാര് ആണ് ഗവര്ണ്ണര്മാരെ തീരുമാനിക്കുന്നത്. ഗവര്ണര്മാരെ ഒഴിവാക്കാനുളള തീരുമാനമെടുക്കേണ്ടത് രാഷ്ട്രപതിയാണ്. എന്നാല് രാഷ്ട്രപതിക്ക് ഇക്കാര്യത്തില് പറയത്തക്ക റോളൊന്നുമില്ല. കേന്ദ്രമന്ത്രിസഭ പറയുന്നത് അനുസരിക്കാന് മാത്രമേ അദ്ദേഹത്തിന് സാധിക്കുകയുളളു.
ഇതിനിടയില് തങ്ങള് നിയമിച്ച ഗവര്ണര്മാര് രാജിവയ്ക്കണമെന്നു തന്നെയാണ് കോണ്ഗ്രസ് കേന്ദ്ര നേതൃത്വത്തിന്റെ നിലപാട്. ദേശീയ നേതൃത്വം ഇതുസംബന്ധിച്ച് തങ്ങള്ക്കുളള അഭിപ്രായം ഗവര്ണ്ണര്മാരെ അറിയിച്ചിട്ടുണ്ട്. എന്നാല് ഇക്കാര്യങ്ങളില് വ്യക്തിപരമായ അഭിപ്രായങ്ങള് കൂടി പരിഗണിക്കണമെന്നും ദേശീയ നേതൃത്വത്തിനുണ്ട്. വക്കവും ശങ്കരനാരായണനും രാജിവയ്ക്കാതിരിക്കുകയാണെങ്കില് ഫലത്തില് അവര് കോണ്ഗ്രസിന്റെ ദേശീയ നേതൃത്വത്തെ പിണക്കും. മാത്രമല്ല അധികാരമോഹികളാണെന്ന വിമര്ശനവും നേരിടേണ്ടിവരും. കസേരയില് നിന്നും തെറിക്കുമ്പോള് കോണ്ഗ്രസിന് നാണക്കേടുണ്ടാക്കി എന്ന വിമര്ശനവും കേള്ക്കേണ്ടിവരും.
ഇതിനിടെ തങ്ങള് മോഡിയുടെ അഭിപ്രായത്തിനെതിരെ യുദ്ധം ചെയ്യുകയാണെന്ന് കസേരവിടാത്ത ഗവര്ണര്മാര് പറയുന്നുണ്ടെങ്കിലും മുന്കാല സംഭവവികാസങ്ങള് ഗവര്ണര്മാര് അംഗീകരിക്കണമെന്ന് തന്നെയാണ് രാഷ്ട്രീയ പാര്ട്ടികളുടെ നിലപാട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
