വിമാനത്തിന് ബോംബ് ഭീഷണിയുണ്ടോ എന്ന് കാമുകന് ആശങ്ക; കൊച്ചിയില് നിന്നും പുറപ്പെട്ട എയര് ഇന്ത്യ വിമാനം ബാംഗ്ലൂരില് അടിയന്തിരമായി ഇറക്കി
കാമുകി സഞ്ചരിച്ച വിമാനത്തിന് ബോംബ് ഭീഷണിയുണ്ടോന്ന് അന്വേഷിച്ച യുവാവ് ഒരു ജനതയെ മുള്മുനയില് നിര്ത്തി. നെടുമ്പാശേരി വിമാനത്താവളത്തിന് ഭീകരാക്രമണ ഭീഷണിയുണ്ടാകുമെന്ന സന്ദേശം ലഭിച്ചതിന് തൊട്ടടുത്ത ദിവസം കാമുകന് വിളിച്ച ഫോണാണ് ഉദ്യോഗസ്ഥരേയും യാത്രക്കാരേയും ഒരുപോലെ അങ്കലാപ്പിലായത്.
കൊച്ചിയില് നിന്നും ഡല്ഹിയിലേക്ക് ഇന്നലെ രാത്രി എട്ടു മണിക്ക് പുറപ്പെട്ട എയര് ഇന്ത്യ വിമാനത്തിനാണ് ബോംബ് ഭീഷണിയുണ്ടായതും തുടര്ന്ന് അടിയന്തിരമായി ഇറക്കുകയും ചെയ്തത്.
ഡല്ഹി സ്വദേശിയായ കാമുകന് കാമുകിയിലുള്ള ഉത്കണ്ഠയാണ് എല്ലാ പ്രശ്നങ്ങള്ക്കും കാരണം. കഴിഞ്ഞ ദിവസങ്ങളില് നെടുമ്പാശേരി വിമാനത്താവളത്തിന് ബോംബ് ഭീഷണിയുള്ളതായ വാര്ത്ത വിമാനം പുറപ്പെടുന്നതിന് തൊട്ടു മുമ്പ് കാമുകി കാമുകനെ ഫോണില് വിളിച്ച് അറിയിച്ചിരുന്നു. അതിനാല് തന്നെ കാമുകന് തന്റെ പ്രിയതമയുടെ കാര്യത്തില് ആധിയായി. അപ്പോഴേക്കും വിമാനം പുറപ്പെട്ടിരുന്നു. ഉടന് തന്നെ കാമുകന് നെടുമ്പാശേരി വിമാനത്താവളത്തിലെ ആഭ്യന്തര ടെര്മിനലിലെ എയര് ഇന്ത്യ ഓഫീസിലേക്ക് വിളിച്ച് ബോംബ് ഭീഷണി ഉണ്ടോ എന്ന് അന്വേഷിച്ചു.
ഈ ഫോണ് എയര് ഇന്ത്യ ഉദ്യോഗസ്ഥര് തെറ്റിദ്ധരിച്ചു. എന്തായാലും പരീക്ഷണത്തിന് ഉദ്യോഗസ്ഥര് തയ്യാറായില്ല. വിമാനത്തിന് ബോംബ് ഭീഷണിയുണ്ടെന്ന് ഉറപ്പിച്ചു. പെട്ടന്നുള്ള കൂടിയാലോചനകള്ക്ക് ശേഷം അടിയന്തിരമയി വിമാനം ഇറക്കാനുള്ള തീരുമാനം എയര് ഇന്ത്യ എടുത്തു. തുടര്ന്ന് എയര് ട്രാഫിക് കണ്ട്രോള് വഴി വിമാനത്തിന്റെ ക്യാപ്റ്റന് അടിയന്തിര സന്ദേശം നല്കി. അപ്പോഴേക്കും വിമാനം കേരള അതിര്ത്തി വിട്ടിരുന്നു. തുടര്ന്നാണ് ബാംഗ്ലൂര് വിമാനത്താവളത്തില് വിമാനം അടിയന്തിരമായി ഇറക്കാനുള്ള എല്ലാ സജ്ജീകരണവും ഒരുക്കിയത്.
വിമാനത്തിലെ 8 ജീവനക്കാരേയും 156 യാത്രക്കാരേയും എമര്ജന്സി എക്സിറ്റ് വഴി ഇറക്കി. വിമാനം പരിശോധിച്ചു. ഒരു ബോംബും കിട്ടിയില്ല. ഇതിനിടയ്ക്ക് നെടുമ്പാശേരി വിമാനത്താവളത്തിലേക്കു വന്ന ഫോണ് പരിശോധിച്ച് നമ്പര് കണ്ടെത്തി. തിരിച്ചു വിളിച്ചപ്പോഴാണ് ഉദ്യോഗസ്ഥര് അന്ധാളിച്ചത്. ഡല്ഹിയില് നേഴ്സായി ജോലി ചെയ്യുന്ന മലയാളിയായ പ്രിജീഷാണ് ഫോണ് ചെയ്തത്. താന് ബോംബ് ഭീഷണി മുഴക്കിയില്ലെന്നും വിമാനത്തിന് ബോംബ് ഭീഷണിയുണ്ടോ എന്ന് അന്വേഷിക്കുക മാത്രമായിരുന്നു ചെയ്തതെന്നുമാണ് പ്രിജീഷിന്റെ മറുപടി.
പ്രിജീഷിന്റെ മറുപടി ഉദ്യോഗസ്ഥര്ക്ക് ആശ്വാസവും അതിലേറെ നാണക്കേടുമായി. എന്തായാലും ഇതിനെപ്പറ്റി വിശദമായ അന്വേഷണം നടത്താനാണ് തീരുമാനം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
