ഇറാഖില്‍ നിന്ന് ഒരാഴ്ചക്കുള്ളില്‍ 600 ഇന്ത്യക്കാര്‍ തിരിച്ചെത്തുമെന്ന് കേന്ദ്രം. 90 പേര്‍ യാത്ര തിരിച്ചതായി വിദേശകാര്യ മന്ത്രാലയം അറിയിച്ചു. മടങ്ങിവരുന്നവരില്‍ മലയാളികള്‍ ഉണ്ടോ എന്നകാര്യം സ്ഥിരീകരിച്ചിട്ടില്ല. പ്രശ്‌നബാധിത മേഖലയ്ക്കു പുറത്തുള്ള നജഫ, ബസ്ര, കര്‍ബല, നസ്രിയ, ബാഗ്ദാദ് തുടങ്ങിയ അഞ്ച് നഗരങ്ങളില്‍ നിന്നാണ് 600 പേര്‍ ഒരാഴ്ച്ചയ്ക്കകം തിരിച്ചെത്തുന്നത്. നജഫില്‍ നിന്നും 60 പേര്‍ ഇതിനകം യാത്രതിരിച്ചു കഴിഞ്ഞു. 31 പേര്‍ നാളെയും മറ്റന്നാളുമായി യാത്രതിരിക്കും.

അതേസമയം, ബസ്ര നഗരത്തില്‍ നിന്നും ജൂഡീഷ്യല്‍ കസ്റ്റഡിലായ 6 പേരെയാണ് നയതന്ത്ര ഉദ്യോഗസ്ഥര്‍ ചര്‍ച്ചകള്‍ക്കു ശേഷം മോചിപ്പിച്ചിരിക്കുന്നത്. കര്‍ബലയില്‍ നിന്നും 30 പേര്‍ യാത്രയ്ക്കു തയ്യാറായിട്ടുണ്ട്. 200ഓളം പേര്‍ അടുത്ത രണ്ട് മൂന്ന് ദിവസങ്ങളിലായി തിരിച്ചെത്തുമെന്നാണ് വിദേശകാര്യമന്ത്രാലം അറിയിച്ചത്. തലസ്ഥാനനഗരിയായ ബാഗ്ദാദില്‍ നിന്നും 12 പേരെ തിരിച്ചയച്ചതായും വിദേശകാര്യമന്ത്രാലയം അറിയിച്ചു. എന്നാല്‍ മലയാളികളുള്‍പ്പെടെയുള്ള 46 നഴ്‌സുമാരെ നാട്ടിലെത്തിക്കുന്ന കാര്യത്തില്‍ ഇതുവരെ തീരമാനമൊന്നും ആയിട്ടില്ലെന്നും മറ്റൊരു കേന്ദ്രത്തിലേക്ക് മാറ്റിപ്പാര്‍പ്പിക്കുന്നത് അരക്ഷിതമാണെന്നും വിദേശകാര്യമന്ത്രാലയം വ്യക്തമാക്കി.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha