വിമാനത്തിനുണ്ടായ ബോംബ് ഭീഷണി; ഒരാള് പോലീസ് കസ്റ്റഡിയില്
തിങ്കളാഴ്ച കൊച്ചിയില് നിന്നും ഡല്ഹിയിലേക്കു പുറപ്പെട്ട എയര്ഇന്ത്യ വിമാനത്തിനുണ്ടായ ബോംബുഭീഷണിയുമായി ബന്ധപ്പെട്ടു ഒരാള് പോലീസ് കസ്റ്റഡിയില്. വിമാനത്തില് യാത്ര ചെയ്തിരുന്ന യുവതിയുടെ സുഹൃത്തായ പ്രജീഷ് എന്ന യുവാവിനെയാണ് ഡല്ഹി പോലീസ് കസ്റ്റഡിയിലെടുത്തിരിക്കുന്നത്. ഇയാള്ക്കെതിരെ നെടുമ്പാശേരി പോലീസ് കേസെടുത്തേക്കുമെന്നാണ് റിപ്പോര്ട്ട്. 505, 507 വകുപ്പുകള് പ്രകാരം വ്യാജപ്രചരണം നടത്തിയതിനാണ് കേസ്. ബന്ധുവിനൊപ്പം യുവതിയേയും പോലീസ് കസ്റ്റഡിയിലെടുത്തിരുന്നെങ്കിലും ചോദ്യം ചെയ്തതിനു ശേഷം യുവതിയെ വിട്ടയച്ചു. ഇരുവരേയും ചോദ്യം ചെയ്തതില് അസ്വഭാവികമായി ഒന്നുമില്ലന്നു ഡല്ഹി പോലീസ് വ്യക്തമാക്കി. താന് തെറ്റു ചെയ്തിട്ടില്ലന്നു യുവതി മാധ്യമപ്രവര്ത്തകരോടു പറഞ്ഞു. ബന്ധുവിനെ അനാവശ്യമായി കസ്റ്റഡിയില് വെച്ചിരിക്കുകയാണ്. വിമാനത്താവളത്തിലെ പരിശോധനകളെക്കുറിച്ച് താന് മമ്മിക്കു മെസേജ് അയച്ചിരുന്നു. മമ്മി ആവശ്യപ്പെട്ട പ്രകാരം വിമാനം വൈകുന്നതിനെ കുറിച്ച് അറിയാനാണ് ബന്ധു വിമാനത്താവളത്തിലേക്കു വിളിച്ചതെന്നു യുവതി പറഞ്ഞു. ബോംബ് വെച്ചതായി ബന്ധു പറഞ്ഞിട്ടില്ല. ഫോണ് വിളി തെറ്റിദ്ധരിച്ചു എയര്ഇന്ത്യ വിമാനം അടിയന്തിരമായി ബംഗളൂരുവില് ഇറക്കുകയായിരുന്നു എന്നും യുവതി വ്യക്തമാക്കി. താനും സുഹൃത്തും ഒരു തെറ്റും ചെയ്തിട്ടില്ലന്നും യുവതി പറഞ്ഞു. ബോംബു ഭീഷണിയെ തുടര്ന്ന് എയര്ഇന്ത്യ വിമാനം അടിയന്തരമായി ബാംഗളൂര് വിമാനത്താവളത്തിലാണ് ഇറക്കിയത്. എമര്ജന്സി എക്സിറ്റുവഴിയാണ് യാത്രക്കാരെ പുറത്തിറക്കിയത്. എമര്ജന്സി എക്സിറ്റുവഴി ഇറങ്ങുന്നതിനിടെ യാത്രക്കാരില് ചിലര്ക്ക് പരിക്കേറ്റു. 157 യാത്രക്കാരാണ് വിമാനത്തില് ഉണ്ടായിരുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
