കാശ്മീരിനെ പാലസ്തീനോടു താരതമ്യപ്പെടുത്തി പാക്കിസ്ഥാന്
കശ്മീരിനെ പലസ്തീനോടു താരതമ്യപ്പെടുത്തി പാക്കിസ്ഥാന്. യുഎന് രക്ഷാസമിതിയില് നടന്ന ചര്ച്ചയ്ക്കിടെ പാക്കിസ്ഥാന്റെ സ്ഥിരം യുഎന് പ്രതിനിധി മലീഹ ലോധിയാണു ഇത്തരത്തില് പരാമര്ശം നടത്തിയത്.
പലസ്തീനിലെയും കശ്മീരിലെയും ജനങ്ങള് അധിനിവേശ ശക്തികളില്നിന്ന് കടുത്ത മനുഷ്യാവകാശ ലംഘനങ്ങള് നേരിടുകയാണെന്നും ഈ പ്രശ്നങ്ങളെ അഭിമുഖീകരിക്കാന് ലോകം തയാറാകുന്നില്ലെന്നും അവര് പറഞ്ഞു. 'അന്താരാഷ്ട്ര സുരക്ഷയ്ക്കും സമാധാനത്തിനും നേര്ക്കുള്ള വെല്ലുവിളികളെ അഭിമുഖീകരിക്കല്' എന്ന വിഷയത്തിലായിരുന്നു ചര്ച്ച.
ജറുസലമിനെ ഇസ്രേലി തലസ്ഥാനമായി അംഗീകരിച്ച അമേരിക്കന് പ്രസിഡന്റ് ഡോണള്ഡ് ട്രംപിന്റെ നടപടി പശ്ചിമേഷ്യയെ കൂടുതല് കുഴപ്പത്തിലേക്കു തള്ളിവിടുമെന്നും പറഞ്ഞ ലോധി കശ്മീര് വിഷയം പാക്കിസ്ഥാന് യുഎന്നില് ഉന്നയിക്കുന്നത് പതിവായിരിക്കുകയാണെന്നും എന്നാല് മറ്റൊരു രാജ്യത്തില്നിന്നും അവര്ക്ക് പിന്തുണ ലഭിക്കുന്നില്ലെന്നും കൂട്ടിച്ചേര്ത്തു.
https://www.facebook.com/Malayalivartha