റിപ്പബ്ലിക്ക് ദിനത്തില് ദേശീയ പതാക ഉയര്ത്തുന്നതിന് സര്ക്കാരിന്റെ പ്രത്യേക വ്യവസ്ഥ; ലക്ഷ്യം മോഹന്ഭാഗവത്തിന്റെ പതാക ഉയര്ത്തല് തടയുക
ആര്.എസ്.എസിന്റെ ദേശസ്നേഹത്തിന് തടയിടാന് സംസ്ഥാന സര്ക്കാരിന്റെ സര്ക്കുലര്. റിപ്പബ്ലിക്ക് ദിനത്തില് സര്ക്കാര് സ്ഥാപനങ്ങളിലും സ്കൂളുകളിലും സ്ഥാപനമേധാവികള് മാത്രമേ പതാക ഉയര്ത്താവൂ എന്ന് സര്ക്കാര് ഉത്തരവിറക്കി. ഗ്രാമപഞ്ചായത്ത്, ബ്ളോക്ക്, ജില്ലാ തലങ്ങളിലായിരിക്കണം ദേശീയ പതാക ഉയര്ത്തേണ്ടതെന്നും ഉത്തരവില് വ്യക്തമാക്കുന്നു. പാലക്കാട് മുത്താംന്തറ കര്ണകിയമ്മന് ഹയര് സെക്കന്ഡറി സ്കൂളില് സ്വാതന്ത്ര്യദിനത്തില് ആര്.എസ്.എസ് തലവന് മോഹന് ഭാഗവത് ദേശീയ പതാക ഉയര്ത്തിയത് വിവാദമായതിനെ തുടര്ന്നാണ് സര്ക്കാര് ഇത്തരത്തിലൊരു ഉത്തരവിറക്കിയത്. ഇത്തവണ റിപ്പബഌക്ക് ദിനത്തിലും മോഹന് ഭാഗവത് പതാക ഉയര്ത്തുമെന്ന് ആര്.എസ്.എസ് പ്രവര്ത്തകര് സോഷ്യല് മീഡിയയിലൂടെ അറിയിച്ചിരുന്നു. ഇതോടെയാണ് സര്ക്കാര് ദേശീയപതാക ഉര്ത്തുന്നതിന് വ്യവസ്ഥകള് ഏര്പ്പെടുത്തിയത്.
പാലക്കാട് മുത്താംന്തറ കര്ണകിയമ്മന് ഹയര് സെക്കന്ഡറി സ്കൂളില് ചട്ടങ്ങള്ക്ക് വിരുദ്ധമായി മോഹന്ഭാഗവത് ദേശീയ പതായ ഉയര്ത്തിയ സംഭവത്തില് വീഴ്ചവരുത്തിയ ഉദ്യോഗസ്ഥര്ക്കെതിരെ നടപടിയെടുക്കാന് വിദ്യാഭ്യാസവകുപ്പ് ഉത്തരവിട്ടിരുന്നു. ജില്ലാ ഭരണകൂടത്തിന്റെ ഉത്തരവ് ലംഘിച്ച് ദേശീയ പതാക ഉയര്ത്തിയതിനാല് പ്രധാന അധ്യാപകനെതിരെ കേസ് എടുത്തിരുന്നു. പിന്നീട് ഹെഡ്മാസ്റ്റര്ക്കും മാനേജര്ക്കും എതിരെ നടപടിയെടുക്കാന് മുഖ്യമന്ത്രി പൊതുവിദ്യാഭ്യാസ വകുപ്പിന് നിര്ദ്ദേശം നല്കിയിരുന്നു. എന്ത് വിലകൊടുത്തും പതാക ഉയര്ത്തുമെന്നും അതില് ചട്ടലംഘനം ഇല്ലെന്നും ബി.ജെ.പി നേതാവ് എം.ടി രമേശ് പ്രതികരിച്ചു.
https://www.facebook.com/Malayalivartha