നരേഷിന് പൊങ്കാലയിട്ട് സോഷ്യല് മീഡിയ,ആദ്യം ചായ വില്പ്പനക്കാരനാക്കി, പിന്നീട് മോദിയുടെ ജാതി പറഞ്ഞ് പരിഹസിച്ചു, നരേഷ് അഗര്വാള് ഇപ്പോള് ബിജെപിയ്ക്ക് സ്വന്തം,നരേഷിന് പാര്ട്ടി ആസ്ഥാനത്ത് വന്സ്വീകരണം, നരേഷ് ബിജെപിയ്ക്ക് വിലപ്പെട്ട മുത്ത്...
ആദ്യനാളുകളില് പ്രധാനമന്ത്രി മോദിക്കെതിരേ ആക്ഷേപം ഉയര്ത്തിയത് സമാജ് വാദി പാര്ട്ടിയുടെ നരേഷ് അഗര്വാളായിരുന്നു.
എന്നാല് ഇപ്പോള് സമാജ് വാദി പാര്ട്ടിയെ ഞെട്ടിച്ച് ജനറല്സെക്രട്ടറിയും മുതിര്ന്ന രാജ്യസഭാംഗവുമായ നരേഷ് അഗര്വാള് ബിജെപിയില് ചേര്ന്നു. ബിജെപി ദേശീയ അധ്യക്ഷന് അമിത് ഷാ ഇരു കൈയും നീട്ടിയും നരേഷിനെ സ്വീകരിച്ചു.
നരേഷ് അഗര്വാള് ഉള്പ്പടെ ആറു സമാജ് വാദി പാര്ട്ടി അംഗങ്ങളുടെ ഒഴിവാണ് ഉത്തര്പ്രദേശില്നിന്ന് രാജ്യസഭയിലേക്ക് ഉണ്ടായിരിക്കുന്നത്.
എന്നാല്, ഒരാളെമാത്രം ജയിപ്പിക്കാനുള്ള അംഗബലമേ സമാജ് വാദി പാര്ട്ടിക്കുള്ളൂ. ആ സീറ്റിലേക്ക് ജയാബച്ചനെ അയച്ചതിലാണ് നരേഷിന്റെ പ്രതിഷേധം. ഇത് മുതലെടുക്കാനാണ് നരേഷ് അഗര്വാളിനെ സ്വന്തം പാളയത്തിലേക്ക് ബിജെപി ചേര്ക്കുന്നത്.
നരേഷിന് അംഗത്വം നല്കിയതിനെതിരേ ബിജെപി.ക്കുള്ളില് അസ്വസ്ഥത ഉയര്ത്തി. ജയാബച്ചനെതിരേ നരേഷ് നടത്തിയ ചില പരാമര്ശങ്ങള്ക്കെതിരേ കേന്ദ്രമന്ത്രി സുഷമാ സ്വരാജ് രംഗത്തുവരികയും ചെയ്തിരുന്നു.
തനിക്ക് രാജ്യസഭയില് വീണ്ടും അവസരം നല്കാതെ നടി ജയാബച്ചന് സമാജ് വാദി പാര്ട്ടിക്ക് സീറ്റു നല്കിയതിലുള്ള പ്രതിഷേധം നരേഷ് അഗര്വാള് കുറച്ചു ദിവസങ്ങളായി ഉയര്ത്തിയിരുന്നു. പാര്ട്ടി അധ്യക്ഷന് അഖിലേഷ് യാദവിനെതിരേയായിരുന്നു പ്രതിഷേധം.
ദേശീയ പാര്ട്ടിയില് ചേര്ന്ന് പ്രവര്ത്തിക്കാതെ സമൂഹത്തിന് വേണ്ടി ഒന്നും ചെയ്യാനാകില്ലെന്ന് ബിജെപി ആസ്ഥാനത്ത് നടത്തിയ വാര്ത്താ സമ്മേളനത്തില് നരേഷ് പറഞ്ഞു.
പ്രധാനമന്ത്രി നരേന്ദ്ര മോദിയുടേയും ബിജെപി ദേശീയ അധ്യക്ഷന് അമിത് ഷായുടേയും യുപി മുഖ്യമന്ത്രി യോഗി ആദിത്യനാഥിന്റേയും പ്രവര്ത്തനങ്ങളെ താന് മാനിക്കുന്നു.
കോണ്ഗ്രസുമായും ബിഎസ്പിയുമായും മാറിമാറി സഖ്യമുണ്ടാക്കുന്ന എസ്പി നിലപാട് അംഗീകരിക്കാനാകില്ലെന്നും യാതൊരു ഉപാധികളും കൂടാതൊണ് താന് ബിജെപിയില് ചേര്ന്നതെന്നും നരേഷ് പറഞ്ഞു.ഉത്തര്പ്രദേശില് ഒഴിവുവന്ന രാജ്യസഭാ സീറ്റ് ജയാ ബച്ചന് നല്കിയതാണ് നരേഷ് അഗര്വാളിനെ പ്രകോപിപ്പിച്ചത്. '
എന്റെ ടിക്കറ്റ് ബോളിവുഡ് സിനിമകളില് ഡാന്സ് ചെയ്യുന്നയാള്ക്ക് കൊടുത്തു. ഇത് വേദനാജനകമാണ്. രാജ്യസഭാ തെരഞ്ഞെടുപ്പില് എന്റെ മകന് ബിജെപിക്ക് വോട്ട് ചെയ്യും.' നരേഷ് അഗര്വാള് പറഞ്ഞു.
https://www.facebook.com/Malayalivartha
