ആന്ധ്ര കാവേരി വിഷയങ്ങളില് രാജ്യസഭ ഇന്നും പ്രക്ഷുബ്ധമായി, പ്രതിഷേധം ശക്തമായതോടെ രാജ്യസഭ ഇന്നത്തേക്കു പിരിഞ്ഞു
ആന്ധ്ര കാവേരി വിഷയങ്ങളില് രാജ്യസഭ ഇന്നും പ്രക്ഷുബ്ധമായി. സഭാ നടപടികള് ആരംഭിച്ചപ്പോള് തന്നെ ആന്ധ്രയ്ക്കു പ്രത്യേക പദവി വേണമെന്ന് ആവശ്യപ്പെട്ട് ടിഡിപി എംപിമാര് സഭയുടെ നടത്തളത്തില് ഇറങ്ങി പ്രതിഷേധിച്ചു. ടിഡിപി എംപി സി.എം. രമേശാണ് വിഷയം സഭയില് ഉന്നയിച്ചത്. അതേസമയം കാവേരി മാനേജ്മെന്റ് ബോര്ഡ് ഉടന് രൂപീകരിക്കണമെന്ന് ആവശ്യപ്പെട്ട് എഐഎഡിഎംകെ അംഗങ്ങളും സഭയുടെ നടുത്തളത്തില് ഇറങ്ങി പ്രതിഷേധിച്ചു.
പ്രതിഷേധം ശക്തമായതോടെ രാജ്യസഭാ അധ്യക്ഷന് എം. വെങ്കയ്യ നായിഡു സഭ ഇന്നത്തേക്കു പിരിയുന്നതായി അറിയിച്ചു. തുടര്ച്ചയായി 14ാം ദിവസമാണ് സഭ സ്തംഭിക്കുന്നത്. പ്രതിഷേധം ശക്തമായതോടെ എല്ലാ പ്രശ്നങ്ങളും ചര്ച്ച ചെയ്യാന് സര്ക്കാര് തയാറാണെന്നു പാര്ലമെന്ററികാര്യമന്ത്രി വിജയ് ഗോയല് രാജ്യസഭയെ അറിയിച്ചിരുന്നു. മറ്റു ബില്ലുകള് പാസാക്കാന് സഹകരിക്കണമെന്നും ചര്ച്ചയ്ക്കു തയാറാണെന്നും അദ്ദേഹം കൂട്ടിച്ചേര്ത്തു.
https://www.facebook.com/Malayalivartha
