ഇന്ന് രാജ്യസഭ തെരഞ്ഞെടുപ്പ് നടക്കുമ്പോൾ ഏറെ പ്രതീക്ഷയാണ് ബിജെപിക്ക്. കാരണം ഇന്ന് തെ​ര​ഞ്ഞെ​ടു​പ്പ്​ ന​ട​ക്കു​ന്ന പതിനാറ് സം​സ്​​ഥാ​ന​ങ്ങ​ളി​ല്‍ പതിനൊന്നും ഭരിക്കുന്നത് ​ബി.​ജെ.​പി തന്നെയാണ്. രാ​ജ്യ​സ​ഭ അം​ഗ​ങ്ങ​ളു​ടെ എ​ണ്ണം കൂ​ട്ടു​ക​യെ​ന്ന ലക്ഷ്യമാണ് പാർട്ടിക്ക്. ബി.​ജെ.​പി​ക്കും സ​മാ​ജ്​​വാ​ദി പാ​ര്‍​ട്ടി(​എ​സ്.​പി)​ക്കും ബ​ഹു​ജ​ന്‍ സ​മാ​ജ്​​വാ​ദി(​ബി.​എ​സ്.​പി) പാ​ര്‍​ട്ടി​ക്കും നി​ര്‍​ണാ​യ​ക​മാ​ണ്​ ഉ​ത്ത​ര്‍​പ്ര​ദേ​ശ്​ തെ​ര​ഞ്ഞെ​ടു​പ്പ്​. ആ​​ന്ധ്ര​പ്ര​ദേ​ശ്(3), ബി​ഹാ​ര്‍(6), ഗു​ജ​റാ​ത്ത്(4), ഹ​രി​യാ​ന(1), മ​ധ്യ​പ്ര​ദേ​ശ്(5), മ​ഹാ​രാ​ഷ്​​ട്ര(6), തെ​ല​ങ്കാ​ന(3), യു.​പി(10), പ​ശ്ചി​മ​ബം​ഗാ​ള്‍(5), ക​ര്‍​ണാ​ട​ക(4), രാ​ജ​സ്​​ഥാ​ന്‍(3), ഒ​ഡി​ഷ(3), ഝാ​ര്‍​ഖ​ണ്ഡ്(2), ഛത്തി​സ്​​ഗ​ഢ്(1), ഉ​ത്ത​രാ​ഖ​ണ്ഡ്(1), ഹി​മാ​ച​ല്‍ പ്ര​ദേ​ശ്(1) എ​ന്നീ സം​സ്​​ഥാ​ന​ങ്ങ​ളി​ലാ​ണ്​ എം.​പി​മാ​രു​ടെ ഒ​ഴി​വ്.

നിലവിൽ ബി.​ജെ.​പി​ക്ക്​ 58 അം​ഗ​ങ്ങ​ളു​ണ്ട്​, കോ​ണ്‍​ഗ്ര​സി​ന്​ 54 അംഗങ്ങളും. ​ഒ​ഴി​വു​ള്ള 58 രാ​ജ്യ​സ​ഭ സീ​റ്റു​ക​ളി​ല്‍ 10 സം​സ്​​ഥാ​ന​ങ്ങ​ളി​ല്‍​നി​ന്ന്​ ഏഴ്​ കേ​ന്ദ്ര​മ​ന്ത്രി​മാരുൾപ്പെടെ 33 പേ​ര്‍ എ​തി​രി​ല്ലാ​തെ തെ​ര​ഞ്ഞെ​ടു​ക്ക​പ്പെ​ട്ടിട്ടുണ്ട്. ​ശേഷിക്കുന്ന ആ​റു സം​സ്​​ഥാ​ന​ങ്ങ​ളി​ലെ 25 സീ​റ്റി​ലേ​ക്കാ​ണ്​ ഇ​ന്ന്​ വോട്ടെടു​പ്പ്കേ നടക്കുന്നത്. കേ​ര​ള​ത്തി​ല്‍ ഒ​ഴി​വു​ള്ള ഒ​രു സീ​റ്റി​ലേ​ക്ക്​ രാ​ജി​വെ​ച്ച എം.​പി. വീ​രേ​ന്ദ്ര കു​മാ​ര്‍ ത​ന്നെ എ​ല്‍.​ഡി.​എ​ഫ്​ സ്വ​ത​ന്ത്ര​നാ​യി മ​ത്സ​രി​ക്കു​ന്നു. യു.​ഡി.​എ​ഫി​ന്റെ ബി. ബാബുപ്ര​സാ​ദാ​ണ്​ എ​തി​ര്‍​സ്​​ഥാ​നാ​ര്‍​ഥി. കേ​ര​ള ബി.​ജെ.​പി മു​ന്‍ സം​സ്​​ഥാ​ന പ്ര​സി​ഡ​ന്‍​റ്​ വി. ​മു​ര​ളീ​ധ​ര​ന്‍ മ​ഹാ​രാ​ഷ്​​ട്ര​യി​ല്‍ എ​തി​രി​ല്ലാ​തെ തെ​ര​ഞ്ഞെ​ടു​ക്ക​പ്പെ​ട്ടി​ട്ടു​ണ്ട്. എ​ട്ടം​ഗ​ങ്ങ​ളെ ജ​യി​പ്പി​ക്കാ​നു​ള്ള ഭൂ​രി​പ​ക്ഷ​മു​ള്ള ബി.​ജെ.​പി ​പ്ര​തി​പ​ക്ഷ ഭി​ന്ന​ത മു​ത​ലാ​ക്കി​ ഒ​മ്പ​താ​മ​നെ കൂ​ടി രാ​ജ്യ​സ​ഭ​യി​ലേ​ക്ക്​ അ​യ​ക്കാ​മെ​ന്ന പ്ര​തീ​ക്ഷ​യി​ലാ​ണ്.

എ​സ്.​പി​യു​ടെ വോ​ട്ടി​ലൂ​ടെ ഒ​രം​ഗ​ത്തെ ജ​യി​പ്പി​ക്കാ​ന്‍ ക​ഴി​ഞ്ഞി​ല്ലെ​ങ്കി​ല്‍ ബി.​എ​സ്.​പി​ക്ക്​ വ​ന്‍ തി​രി​ച്ച​ടി​യാ​കും. ഇ​ട​ഞ്ഞു​നി​ന്നി​രു​ന്ന സു​ഹെ​ല്‍​ദേ​വ്​ ഭാ​ര​തീ​യ സ​മാ​ജ്​ പാ​ര്‍​ട്ടി​യു​ടെ നാ​ല്​ അം​ഗ​ങ്ങ​ളും അ​പ്​​നാ​ദ​ളി​ന്റെ ഒ​മ്പ​ത്​ അം​ഗ​ങ്ങ​ളും ബി.​ജെ.​പി​ക്ക്​ വോ​ട്ടു​ചെ​യ്യു​മെ​ന്ന്​ പ്ര​ഖ്യാ​പി​ച്ചി​ട്ടു​ണ്ട്. കേ​ന്ദ്ര​മ​ന്ത്രി അ​രു​ണ്‍ ജെ​യ്​​റ്റ്​​ലി അ​ട​ക്കം 11 സ്​​ഥാ​നാ​ര്‍​ഥി​ക​ളാ​ണ്​ 10 സീ​റ്റി​ലേ​ക്ക് ​മ​ത്സ​രി​ക്കു​ന്ന​ത്. 403 അം​ഗ നി​യ​മ​സ​ഭ​യി​ല്‍ ബി.​ജെ.​പി സ​ഖ്യ​ത്തി​ന്​ 324 എം.​എ​ല്‍.​എ​മാ​രു​ണ്ട്. ജ​യി​ക്കാ​ന്‍ 37 വോ​ട്ടാ​ണ്​ വേ​ണ്ട​ത്. എ​ട്ടു സ്​​ഥാ​നാ​ര്‍​ഥി​ക​ളെ ജ​യി​പ്പി​ക്കാ​നു​ള്ള​തി​നു​പു​റമെ 28 വോ​ട്ട്​ ബി.​ജെ.​പി​ക്ക്​ അ​ധി​ക​മാ​യു​ണ്ട്. ഒ​മ്പ​തു​വോ​ട്ടു​കൂ​ടി പ്ര​തി​പ​ക്ഷ​ത്തു​നി​ന്ന്​ സ​മാ​ഹ​രി​ക്കാ​നാ​യാ​ല്‍ ബി.​ജെ.​പി​ക്ക്​ ഒ​മ്പ​താ​മ​നെ കൂ​ടി ജ​യി​പ്പി​ക്കാം. 47 അം​ഗ​ങ്ങ​ളു​ള്ള എ​സ്.​പി​ക്ക്​ ത​ങ്ങ​ളു​ടെ സ്​​ഥാ​നാ​ര്‍​ഥി ജ​യ ബ​ച്ച​നെ ജ​യി​പ്പി​ക്കാ​നു​ള്ള അം​ഗ​ബ​ല​മു​ണ്ട്. എ​സ്.​പി​യു​ടെ ബാ​ക്കി പ​ത്തു​വോ​ട്ടും കോ​ണ്‍​ഗ്ര​സി​ന്റെ ഏ​ഴു​വോ​ട്ടും ആ​ര്‍.​എ​ല്‍.​ഡി​യു​ടെ ഒ​രു വോ​ട്ടും ല​ഭി​ച്ചാ​ല്‍ 19 എം.​എ​ല്‍.​എ​മാ​രു​ള്ള ബി.​എ​സ്.​പി സ്​​ഥാ​നാ​ര്‍​ഥി ഭീം​റാ​വു അം​ബേ​ദ്​​ക​റി​ന്​ ജ​യി​ക്കാം. എ​ന്നാ​ല്‍, എ​സ്.​പി എം.​എ​ല്‍.​എ​മാ​ര്‍​ക്കി​ട​യി​ലെ പ​ട​ല​പ്പി​ണ​ക്കം ഇ​രു​പാ​ര്‍​ട്ടി​ക​ളെ​യും ആ​ശ​ങ്ക​യി​ലാ​ക്കു​ന്നു. ഫലപ്രഖ്യാപനം ഇന്ന് വൈകുന്നേരമാണ്.