സുപ്രീം കോടതി ചീഫ് ജസ്റ്റിസിനെതിരായ ഇംപിച്ച്മെന്റ് നോട്ടീസ് തിങ്കളാഴ്ച... മുതിര്ന്ന ജഡ്ജിമാര് ഉന്നയിച്ച ആരോപണങ്ങളെ തുടര്ന്നാണ് ചീഫ് ജസ്റ്റിസിനെതിരെയുള്ള നീക്കം
സുപ്രീം കോടതി ചീഫ് ജസ്റ്റിസിനെതിരായ ഇംപിച്ച്മെന്റ് നോട്ടീസ് തിങ്കളാഴ്ച. ഇംപിച്ച്മെന്റ് നോട്ടീസിന് അമ്പതില് അധികം എം.പിമാരുടെ പിന്തുണയായി. സി.പി.എം, സി.പി.ഐ എം.പിമാരും ഇംപിച്ച്മെന്റ് നടപടിയെ പിന്തുണച്ചു. മുതിര്ന്ന ജഡ്ജിമാര് ഉന്നയിച്ച ആരോപണങ്ങളെ തുടര്ന്നാണ് ചീഫ് ജസ്റ്റിസിനെതിരെയുള്ള നീക്കം. കുറഞ്ഞത് 50 എംപിമാര് ഒപ്പിട്ടിരിക്കണമെന്ന നിബന്ധനയുള്ളതിനാല്, കഴിയുന്നതും വേഗം ഒപ്പുശേഖരണം പൂര്ത്തിയാക്കി ഇപ്പോള് നടക്കുന്ന സമ്മേളനത്തില്ത്തന്നെ രാജ്യസഭയില് പ്രമേയം അവതരിപ്പിക്കാനുള്ള സാധ്യതകളാണ് കോണ്ഗ്രസ് തേടിയത്.
മുതിര്ന്ന കോണ്ഗ്രസ് നേതാക്കളായ കപില് സിബല്, ഗുലാംനബി ആസാദ് എന്നിവരുള്പ്പെടെയുള്ളവര് പിന്തുണയറിയിച്ച് ഒപ്പിട്ടിരുന്നു. എന്.സി.പിയിലെ മജീദ് മേമനും ഒപ്പിട്ട എംപിമാരില് ഉള്പ്പെടുന്നു. ദീപക് മിശ്രയെ ഇംപീച്ച് ചെയ്യണമെന്ന് ആദ്യം മുലേ പരസ്യമായി ആവശ്യപ്പെട്ടു വരുന്ന പാര്ട്ടിയാണ് സി.പി.എം. സുപ്രീം കോടതി കൊളീജിയത്തില് അംഗങ്ങളായ നാല മുതിര്ന്ന ജഡ്ജിമാര് ഇക്കഴിഞ്ഞ ജനുവരിയില് ചീഫ് ജസ്റ്റിസ് ദീപക് മിശ്രയ്ക്കെതിരെ പരസ്യമായി പ്രതിഷേധിച്ചതിനെ തുടര്ന്ന ഇന്ത്യന് നീതിന്യായ വ്യവസ്ഥയിലുണ്ടായ പ്രതിസന്ധിക്ക് ഇതുവരെ പരിഹാരമായിട്ടില്ല.
ജസ്റ്റിസ് ജസ്തി ചെലമേശ്വറിന്റെ നേതൃത്വത്തിലുള്ള നാലംഗ ജഡ്ജിമാരാണ് പരസ്യമായി വാര്ത്താസമ്മേളനം വിളിച്ച് കോടതിയുടെ ഇപ്പോഴത്തെ പ്രവര്ത്തന രീതികളോടുള്ള എതിര്പ്പ് തുറന്നടിച്ചത്. ചെലമേശ്വറിനു പുറമെ രഞ്ജന് ഗൊഗോയ്, മദന് ബി. ലോകൂര്, കുര്യന് ജോസഫ് എന്നിവരാണ് കോടതി നടപടികള് നിറുത്തിവച്ച് വാര്ത്താസമ്മേളനം വിളിച്ചത്.
https://www.facebook.com/Malayalivartha
